Sekreterê desteya siyasî ya Hevbendiya Niştimanî ya Hêzên Şoreş û Rikberiya Sûrî, Riyad Elhesen rapora siyasî ya heftane pêşkêş kir, û tê de behsa pêkenoka hilbijartinan ya ku rêjîmê li deverên di bin kontrola xwe de pêkanîn kir.
Elhesen tekez kir ku ew hilbijartin ne rewa ne, û diyar kir ku rêjîmê li ser damezrandina komîta Destûrî ya divê karê wê li gor biryara Navdewletî be erê kiriye, bi vê yekê ew danpêdanê dike ku divê tu hilbijartin neyên lidarxistin berî ku Destûra nû di bin serperştiya Netewên Yekbûyî de were pesendkirin.
Elhesen bal kişand ser ku ew pela rêjîmê li ser emze kiriye, ew bingeha karê Komîta Destûrî ye, û pîvanên hilbijartinan têde tomarkirî ne, û bi vê yekê rêjîm weke her car li sozên xwe xwedî derneketiye.
Elhesen got “rêjîma Esed di derxistina berepêkan de berdewam e, xwe ji ber erkên xwe dide alî û karê komîta Destûrî li asteng dike, da ku bi van hilbijartinên lawaz rabe”, û hişyarî da derbarê ku heye bi vî şêweyî hilbijartinên serokatiya Komarê jî derbas bike.
Sekreterê desteya siyasî ya Hevbendiya Niştimanî berdewam kir û got”Ev hilbijartin tu rewatiya wan tune ye, û nîvê gelê Sûrî beşdar ne bûne, ji ber ku koçber û penaber in ” û diyar kir ku ev rêjîm ne li gor rêvebirina welat e, nikare xizmetê ji welatiyan re pêşkêş bike, û nêzî 83 % ji gelê Sûrî xistiye binya xêzka xizaniyê de.
Jêder: Ofîsa Ragihandinê ya Hevbendiya Niştimanî ya Sûrî