Semîra Elmesalima cîgira serokê Hevbendiya Niştimanî ya Hêzên Şoreş û Rikberiya Sûrî, matmayîbûna xwe ji neguherîna mêjî û pêşinyarên rêjîma Esed,tevlî kuştin û kêmendamkirina zêdetir ji milyom kesên Sûrî, û tevlî wêrankirina ku li welat çêbû li ser hemî astan,û koçberkirina nîvê milet da xuyakirin.
Û Mesalima wiha jî li ser hevpeyvîna Beşar Elesed, duh çarşembê, ji acansa Novostî û ya Spotnîk yên Rûsî re, got: hin xalên metirsîdar di gotina xwe de dane nîşandan, û yek ji wan mukurnehatina wî ku ev cenga wî ya dijî miletê Sûriyê ew e sedema hebûna terorîstiyê , û sedema reva Sûriyan ji ber kuştin û girtinê , û matmayîbûna xwe diyar kir ji gotinên Esed derbarê rewşa jiyanê û hejarkirina Sûriyan dema ku xwe wek kesekî bêguneh dida xuyakirin, wek ku rêjîmek din ji bilî rêjîma wî, wêranî û hejarî peyda kirine, û bihayê Dolar gihandiye bêhtir ji 500 lîreyên Sûrî.
Û der barê nîşanên ku Esed dan li ser spartina karê nû-avakirina Sûriyê bo Rûsiya û Îran û Sînê, Mesalima wiha lê vegerand: ev in yên ku Sûriya wêran kirine, û Esed ê derfetê bide wan ji bo nû-avakirina wê, lê belê ew yek xewn e û tevlî wan xewnên ku rêjîm dibîne dibe, bi ser ku tu dewlet û kampanya -berî rawestana cengê- berpirsyariya nûavakirinê hilnagirin, û çênabe kesên ku Sûriya wêran kirine xwedîmaf bin di dana destûrê ji kampaniyan re ji bo nûavakirinê, û ev biryareke Sûrî ya paşxistî ye, ta ku ceng bi dawî were, û ew ne “kêkek”e ku Esed pê çavên hevparên xwe bigre ji bo wî li ser kursiyê desthilatê bihêlin, an jî alîkariya wî di bazdana ji sizakirinê li ser tawanên ku kirine bikin .
Jêder :Elerebî Elcedîd
