Serokê Hevbendiya Niştimanî ya Sûrî Salim Elmislit, tekez kir ku mirina Mueyed Elubêd û kurê wî Ebdilezîz di bin îşkencê de di zîndanên rijêma Esed de, piştî lihevkirinekê ku di encamê de vegeriyane deverên di bin kontirola rijêmê de, ji cîhanê re tekez dike ku ev rijêm kuştinê ranawestîne û dê bi heman awayî tola xwe ji hemû kesên ku vegerin hilîne.
Û Elmislit bal kişand ser ku mirina Mueyed Elubêd û kurê wî Ebdilezîz diçespîne ku rijêm dest ji kiryarên xwe yên tawankarî der mafê gelê Sûriyê bernade, û hişyarî da hikûmetan ji bo penaberan neçarî vegera deverên di bin kontirola rijêma Esed de nekin, û berpisyariya tam di ber jiyana çi penaberê ku vegere da ser milê wan.
Û Elmislit hişyarî da Netewên Yekbûyî derbarê tevlêbûna çi pirosesa vegerandina penaberên Sûrî bo deverên rijêma Esed, û bêdengiya hember van binpêkirinan û operasyonên dersînorkirina kotekî ya vê dawiyê ji Libnanê şermezar kir.
Û çalakvanin xwecihî diyar kirin ku Mueyed Elubêd û kurê wî Ebdilezîz piştî ku di zîndana Sêdnaya de li gundewarê şamê rastî îşkencê hatin jiyana xwe ji dest dan, tevî ku wan herduyan pirosesa çarekirina rewşa xwe bi rijêmê re di sala 2020an de çêkiribû, û li gorî wê pirosesê ji kampa Elrukban ya li ser tixûbê Sûriya û Urdunê vegeryan mala xwe li bajarokê Elqeryetên li gundewarê Humsê.
Û çalakvanan gotin ku xwediyê wan herdû qurbaniyan duh roja duşemê agahiya mirina wan ji efserekî ji şaxê Elbadiye piştî dana pereyan bo wî efserî wergirtin.
Jêder: Ofîsa Ragihandinê ya Hevbendiya Niştimanî ya Sûrî
