Serokê Hevbendiya Niştimanî ya Sûrî Salim Elmislit, got ku Hevbendî wan derew û raportên ti rastiya wan tune ye, yên ku li vê dawiyê media civakî derdixe û hejmarek ji amûrên ragihandinê bêyî ku dirustiya wan tekez bikin an lê bipirsin diweşînin dişopîne, û tekez dike ku pêwîst e tiştê ku derbarê Hevbendiya Niştimanî de tê veguhestin were piştrastkirin, û diyar kir ku hemû dezgehên ragihandinê dikarin peywendiyê li gel Hevbendiyê bikin.
Û Elmislit tekez kir ku tiştê ku di raporta hin dezgehên ragihandinê de li ser lihevkirina bi rijêma Esed re hatiye pêşkêşkirin, bi tevahî tê redkirî ye, û ew daxwiyanî û deqên ku hatine hûnandin nerast in û bêbingeh in, û ji herkesî xwest ku li pey kesên derewkar neçin, yên ku bi awayekî berdewam kar dikin daku dîwarekî di navbera Hevbendiya Niştimanî û gelê Sûriyê yê azad de di riya belavkirina derewan re ava bikin.
Û Elmislit derbarê raporên derew got ku Em nikarin kêran li gelê xwe bixin, ji ber ku tenê kesekî bêrûmet vê yekê dike, û got ku dema em berve rijêmê bibezin tê wê wateyê ku em dest ji rûmet û sincên xwe berdidin, û ev yek nebûye û nabe, û dê rûmeta me tune be ger em dest bidin rijêmê û bi tawankarê ku Sûriya wêran kiriye û gelê wê kuştiye re li hev werin.
Û Serokê Hevbendiya Niştimanî berdewamkir û got: “Em ji vî gelî hatine û em ji daxwazên wî yên mafdar yên rûxandina rijêma Esed û dadgehkirina sembolên wê dûr nakevin, çimkê gelê Sûriyê bi xwîna bi sedên hezaran ji pakrewan û bidehên hezaran ji girtî û derbideran ev daxwaz xêz kiriye, û ew di ser danûstandinê re ye.”
Û Elmislit ji gelê Sûriyê xwest ku baweriya xwe bi biryarên nûnerê xwe yê rewa Hevbendiya Niştimanî bîne, û diyar kir ku Hevbendî pabendiyê bi piransîpên şoreşa Sûriyê dike, û çênabe ku ji ber çi sedemê be ku ji wan dûr bikev.
Jêder: Ofîsa Ragihandinê ya Hevbendiya Niştimanî ya Sûrî
