Serokê Hevbendiya Niştimanî ya Sûrî Salim Elmislit tekez kir ku gelê Sûriyê hê jî li benda cîbicîkirina biryara 2254ê ye, ya ku di rojeke mîna îro de di sala 2015an de ji aliyê Encûmena Ewlekariyê yê Navdewletî ve hatiye pesendkirin, û cextî li ser pêwîstiya hewlên zêdetir ji bo kartêkerkirina proseya siyasî û cîbicîkirina gewhera biryarê kir, ji bo ku veguheztineke siyasî ya tam li welat bicî bibe, û xwestekên Sûriyan pêk werin.
Û Elmislit di daxwiyaniyên taybet de got ku piştî heft salan di ser derxistina biryara 2254 ya navdewletî re, Netewên Yekbûyî ji bo cîbicîkirina biryarên xwe li benda çi ye, û bal kişand ser wê yekê ku cîbicînekirina biryarê ji aliyê civaka navdewletî ve ji dema derketina wê ve, hişt ku kirîza mirovî girantir bibe, û qada siyasî aloz kir, û got ku ev yek civaka navdewletî ji ber beşek ji bûyerên li Sûriyê pêk tên berpirsyar dibîne.
Û Elmislit aşkere kir ku Hevbendiya Niştimanî pabendiyê bi cîbicîkirina biryarên navdewletî yên girêdayî pirsa Sûriyê û di serî de biryarên 2118 û 2254 û bi hemû bendên wê dike, nemaze azadkirina girtiyan, eşkerekirina çarenivîsa windayan û dadpirsîn û sizakirina tawanbarên cengê.
Û Elmislit tekez kir ku her derengî di cîbicîkirina biryara 2254 de dê bandoreke neyînî ne tenê li ser Sûriyê bike, lêbelê dê li ser aştî û ewlehiya navdewletî jî bike, ji ber ku sistbûna di cîbicîkirina biryarên navdewletî de han da ku rijîm komkujiyên nû pêk bîne, û deverên di bin kontirola wê de bike navendek belavkirina navdewletî ya bazirganiya Captagonê.
Jêder: Ofîsa Ragihandinê ya Hevbendiya Niştimanî ya Sûrî
