Hevbendiya Niştimanî ya Sûrî tekez kir ku lêborîna ku rijêma Esed vê dawiyê derxistiye derewek e, wek ku kiryarên rijêmê dermafê sûriyan piştî derxistina her lêborînekê diyar dikin, û bal kişand ser ku ev yasa di çarçoveya bizavên biserxiastina rijêmê û pejrandina wê ya navdewletî de tê.
Û Endamê Desteya Siyasî ya Hevbendiya Niştimanî Mihemed Selîm Elxetîb, diyar kir ku asayîşên rijêma Esed careke dî hejmarek ji kesên ku serbest berdabûn girtin, herweha di rojên bûrî de hejmarek welatî ji xwediyên girtiyan, ji kesên ku bendewarên serbestberdana girtiyên xwe bûn, girtin.
Û malperin xwecihî gotin ku hêzên rijêmê vê dawiyê carek dî du kes ji yên ku serbest hatibûn berdan, di dema vegera wan bo parêzgehên xwe, girtin. Û çar ciwan ji xelkê binçavkiriyan gava li orta Şamê bo bendewariyê serbestberdana beşekî nû ji girtiyan civîyabûn hatin binçavkirin.
Û rojnameya Dengê Paytextê, diyar kir ku girûpek bi ser şaxê Ewlehiya Dewletê ve êrîş birin ser gulistana Elmenşiyê û du serbestberdayên birayên hev in girtin, û malbata wan ji gulistanê qewitandin, û gef li wan xwarin ku ew dê malbatê bi temamî bigrin, û ciwanek ji xelkê Elgota Elşerqiyê li pêşiya avahiya parêzgehê di orta paytextê de girtin, û yekî dî jî li pêşiya avahiya Koşka Dadweriyê li taxa Elhemîdiyê girtin.
Û Elxetîb cextî li ser pêwîstiya ku civaka navdewletî fişaran li ser rijêmê bike ji bo serbestberdana tevaya girtiyan û diyarkirina çarenûsa binçavkiriyên kotekî kir, û daxwaza kartêkerkirina doseya lêpirsînê û sizakirina rijêma Esed li ser tawanên berdewam dermafê gelê Sûriyê yê bendewarê azadî û rûmet û demoqrasiyê kir.
Jêder: Ofîsa Ragihandinê ya Hevbendiya Niştimanî ya Sûrî