Hevbendiya Niştimanî ya Sûriyê tawana revandina Baba Yaqûb Murad serokê rehbaniya Dêra Mar Mûsa Elhebeşî û Dêra Mar Aliyan li bajarê Elqereytên yê ser bi parêzgeha Humsê şermezar kir, ku hin kesên nenas di roja pêncşembê 21 gulana 2015an de ew ji cihê rûniştina wî di Dêra Mar Aliyan de revandin.
Hevbendiyê daxwaza serbestberdana wî û tevaya revandiyên Sûriyê kir û daxwaza gerantiya saxî û selemetiya wan kir. û daxuyaniya Hevbendiyê tekez kir ku ” wê destê dadmendiyê nêzîk yan dûr wê bigehêje wan hemû kesên li pişt van kiryaran radiwestin û herwiha yên piropagendeyan ji wan re dikin”, hevdem Hevbendiyê daxwaza ” hevkarî û hevgirtinê ji tevaya Sûriyan kir û rawestana li hember her aliyekî hewl dide bo çêkirina tevlîhevî û fitneyên olî û her aliyekî ziyanan bighîne piransîp û pêmayên pêkevjiyana hevbeş”.
Herwiha Hevbendiyê daxwaz ji tevaya hêzên çekdar kir ” bo dabînkirina parastina sivîlan û gerantiya saxî û saxlemiyê û bêalîkirina wan di hevrikî û şer û pevçûnan de”.
Hêjayê gotinê ye; ku Baba Yaqûb Murad (Jak) ew ji dayîkbûyê Helebê ye û serokê Dêra Rehbanên Kasolîkên Sûriyê ye, û yek ji kahinê Ebreşiya Humis û Nebek ya Siryanên kasolîk e, û jiyana xwe tev terxankiriye bo belavkirina heskirinê û qayîmkirina piransîpên biratî û lêborîn û dadmendî û pêkvejiyana hevbeş di navbera pêkhateyên gelê Sûriyê de, û ew û ligel hevalên xwe di Rehbaniya Baba Pawilo Daloliyo yên revandî ji aliyê rêxistina DAIŞê ve li bajarê Reqayê her ji 29 tîrmeha 2013an ve ku bawerî û pêgirî bi piransîpê diyalogê kirine ji çendîn salan ve.
Jêder: Hevbendî
