Hevbendiya Niştimanî ya Sûriyê duhî û di dema hevdîtina serokê Komîteya Yasayî Heysem Elmalih bi Sikirtêrê giştî yê Komkara Erebî Nebîl Elerebî re, daxwaza bestina kongireyekî awarte li ser astê wezîrên derve kir, bo gengeşekirina destêwerdana Hizibulaha terorîst di Sûriyê de û daxwaza veguhestina doseya destêwerdana wê bo dadgeha tawanên navdewletî li Lahayî kir bo kişandina mêlîşêyên xwe ji Sûriyê.
Di hevdîtinê de, Elmalih yadnameyek pêşkêşî Elerebî kir li ser baredoxên zehmet yên penaberên Sûriyê Li Libanan û herwiha li ser êrîş û destdirêjiyên dibin li ser kampên Sûriyan û şewtandina xîvetan, û herwiha destêwerdana çeteyên Hizibulaha terorîst û beşdariya wê ligel rêjîma Esed di tawankariyên di derheq miletê Sûriyê de di heman yadnameyê de hatiye pirotisto kirin.
Elmalih di hevdîtinê de nêrîna Hevbendiyê ji kongirê Qahîre yê çaverêkirî bête lidarxistin di rojên bê de û herwiha biryara desteya Siyasî bi baykotkirina heman kongirê navhatî diyar kir.
Elmalih ji Sikirtêrê giştî yê Komkara Erebî re, helwesta Hevbendiyê ji gotubêjên duqolî yên Jinêv û herwiha hevdîtina xwe ligel şanderê navdewletî yê taybet bo Sûriyê Stîvan Dî Mistora û radestkirina nameyên Hevbendiyê şirove kirin.
Jêder: Hevbendî