Hevbendiya Niştimaniya Sûriyê û bi helkefta roja Cîhanî ya Zarokan û di daxuyaniyekê de, çewsandina zarokan ji aliyê hêzên Esed û leşkerkirina wan û kuştina hinan bi gulebarankirina bitewşî bi bermîlên teqîner şermezar kir, ku serjimarên hatîn derxistin ji aliyê Navenda Sûrî ya mafên mirov bi “derdeserî” salix da, û di daxuyaniyê de hat “Em hemû aliyên pişkdar di binpêkirina mafên zarokan de şermezar dikin, û ji Civaka navdewletî daxwaz dikin ku bi erk û berpirsyaretiyên xwe rabe li hember tawanên Esed di derheqa zarokên Sûriyê, herwiha daxwaz dikin doseya tawanên li Sûriyê bûne, bête şandin bo dadgeha tawanên navdewletî, hevdem daxwazê ji sercem rêxistin û desteyên hawarçûnê dikin ku bi berpirsyaretiyên xwe rabin li hember Zarokên Sûriyê, û daxwaza dîtina çareseriyan bo kêşe û karûbarên sûriyan ji dewletên ku mêvandariya Sûriyan kirine kir, nemaze rêşûnên taybet bi belgeyên jidayikbûn û tomarkirina zarokan di xêvetgehan de, û piştgiriya fêrbûn û perwerdekirina penaberan bi hevkariya Netewên yekgirtî”. Têzanîn ku Tora Sûrî ya mafên mirovan di roja Cîhaniya Zarokan de raportek belav kir û têde kuştina 17268 zarokên Sûrî li ser destê hêzên Esed ji adara 2011an de belge kiriye, û tekez kiriye” belgekirina vê hejmarê bi nav û wêne û vîdiyoyan û bi cih û dema kuştinê ye, ku piraniya van tawanan hatine encamdan bi kiryarên gulebarandina tewş bi mûşek û bombeyên enqûdî û gazên jehrê û bermîlên teqîner, ta kiryarên serjêkirinê di çendîn kuştarên qirkirina mezhebî de, wek yên li Humis û Baniyasê û Cidêdet Elfedil li Xota rojhilata Şamê û li Qelemûn û li gundewarê bakurê Hemayê, û li gundewarê Helebê jî”. Heman raportê daye xuyakirin ku 4.7 milyon zarokên Sûrî derbeder bûne, û 2.9 milyon reviyane derveyî welêt û bêhtir ji 1.3 milyon zarok ji xwendinê hatine bêparkirin, tevlî leşkerkirina bisedên zarokan di nav hêzên Esed di şerên (yekser- nayekser) de, di dema ku hejmara zarokên bavên wan hatine kuştin li ser destê hêzên Esed gehiştine 18,273 zarokên sêwî ji aliyê bav û 4,573 zarokên sêwî ji aliyê dayikê, zêdebarî desteserkirina bisedan, û rasthatina bidehan ji wan bo tundûtîjiya sêksî, ku bêhtir ji 85 hezar zarokî di kampan de jidayîk bûne lê hêjî piraniya wan bê belgeyên jidayikbûnê ne, tevlî bandora nerênî ya wan binpêkirinan li derûna zarokan. Li aliyekî din di heman raporta Tora navborî de hatiye, kûştina nêzîkî 134 zarokî û girtina 455 zarokî li ser destê rêxistina Daiş, tevlî leşkerkirina bisedên zarokan, di dema ku 304 zarok hatine kuştin û girtina nêzîkî 1000zarokî li ser destê girûpên çekdar yên din. hêjayî gotinê ye ku Nûra Elemîr cêgira serokê Hevbendiya Niştimanî bi heman helkeftê daxwaz ji Civaka navdewletî kir bi” pêkanîna erkên xwe bo rawstandina koçberî û birçîbûn û girtina zarokan, û tevgera bilez bo danana sînorekî bo kuştarên Esed derheqê Zarokan, ku zarokan wek fişareke civakî li ser kesûkarên wan bikar tîne, ji bo vekişandina wan ji daxwazên rûxandina rêjîma Esed û bizava avakirina dewleta Yasayê”. Dîsa Elemîr got:” bi navê derdora 17 hezar zarok yên bi bermîlên Esed û bi çekên wî yên Kîmyawî hatin kuştin, bi navê 3 milyon zarokî yên tawan û kuştarên Esed ji xwendina wek ya tevaya zarokê Cîhanê bêpar kirine, bi navê dibîstan û gulistanên zarokan yên hatine wêrankirin bi ser serê zarokan de, bi navê dibîstan û xwendingehên ku Esed kirine girtîgeh û zindan, bi navê gulistanên zarokan yên bûne baregehên hêzên Esed, bi navê wijdanê mirovahiyê û bi navê Hemze Elxetîb û bi navê wî zarokî yê Esed ji gotina baba bêparkiriye û rûyê wî bi xwînê gemar kir ji dêvla şikolata ve , dibêjin dewletên Cîhanê: rawestin hûn berpirsyarin û rastgoya we di ezmûna mirovîtiyê de ye, dîrok wê binvîse û rehmê li kesekî nake”. Herwiha navborî di roja Cîhaniya zarokan de dirêjî da gotina xwe û got ” li sercem bajarên cîhanê zarokan bi Reşkê Şevê ditirsînin, lê tenê li welatê me, wan bi polis û hikûmetê ditirsînin”.
Jêder: Hevbendî
