Emîdarê giştî yê Hevbendiya Niştimanî ya Hêzên Şoreş û Rikberiya Sûrî, Abdulbasit Abdulletîf, tekez kir ku hemû zagonên rêjîma Esed di demên bûrî de derxistine, dikevin xizmeta siyaseta wê ya serkutkitinê û pirojeya mana wê di desthlatê de, û cenga wê ya dijî gelê sûriyê.
Û Abdulletîf di daxwiyaniyin taybet de îro pênşemê, got ku guhartinên rêjîmê di zagona leşkeriya neçar de kirine, mîna heman guhartinên berê yên girêdayî bi yasayên malumilkên xelkê û ewqafan in, û herweha got ku “ev tê wê wateyê ku rêjîma Esed dibêje: Yan tê tevlî rêzên leşkerên artêşa Esed bibe, û beşdariyê di kuştina gelê xwe de bike, ya jî tê bi diravan alîkariya kujer bike, an emê dest deynin ser malumilkên te jibo em tewanên xwe berdewam bikin ” .
Herweha Abdulletîf bal kişand ser ku merem û armancên rêjêma Esed eşkere bûne, û ew guhertinên di zagonan de kirine siyasî ne, û ji hêla rêjîmeke nerewa ve ne, û dît ku ev karûbarên rêjîm dike, nîşana têkçûna wê ya sincî û darayî ne.
Û emîdarê giştî destnîşan kir ku rêjîma Esed di qeyranake darayî de dijî, piştî kêmikirina Îranê ji perepêdana wê re, û nêzîkbûna cîbicîkirina yasaya Qeyser, lewra rêjîm dixwaze diravên biyanî ji xezîneya xwe re dabîn bike, çimkî di têkesta zagonê de eşkere dibêje ku divê berdêl bi dolar be, an bi qasî wê pereyên sûrî be, û tekez kir ku rêjîma Esed li xwe mukur tê ku baweriya wê bi aramiya nirxê lîreya sûrî nema ye.
Û emîndarî giştî yê Hevbendiya Niştmanî got ku ev zagona nû wê fişarê li ser xortan zêdetir bike, ji bo ku têkevin nav hêzên wê yên têkçûyî û milîsên mezhebî yên din, ji ber ku nikarin wî nirxê buha bidin da ji leşkeriyê rizgar bibin, û emîndarê giştî berdewam kir û got ku pereyên bên dan wek bexşînekê ye ji tewanbarên cengê re, yên girêdayî xeleka gendeliyê ya rêjîma Esed, ew xeleka ku sûdê ji cîbicîkira guhartina zagonê werdigre di riya kirîna diravan re.
Û tekez kir ku sûrî dê alikariya diravî nedin ji bo kuştina mirovên xwe, û ew bawer in ku tiştê rêjîm dike nerewa ye, û ev rêjîm ber bi tunebûnê de diçe, û dê dewleta yasya û rûmet û azadiyê ava bibe.
Jêder: Ofîsa Ragihandinê ya Hevbendiya Niştimanî ya Sûrî