Emîndarê Giştî yê Hevbendiya Niştimanî ya Sûrî, Abd Albaset Abdullatif, û şandê pêre, serdana Revenda Sûrî ya li Îyaleta Gazî Entab a Tirkîyê kirin, û bi wan re rewşa Sûriyan li Îyaletê û pirsgirêk û dozên hewcedarî çareseriyê gengeşe kirin.
Û ev serdan bi hevrêziya li gel Nûnertiya Hevbendiya Niştimanî li Îyaleta Gazî Entab hat, û di serdanê de Nûnerê Hevbendiyê li Îyaletê Mihemed Elşemalî û Endamên Desteya Siyasî Mihemed Yehya Mektebî û Yasir Elferhan û Behcet Eletasî hevaltiya Emîndarê Giştî kirin.
Û Emîndarê Giştî li ser pêşhatên rewşa meydanî û siyasî axivî, û şiroveyek li ser pilana karê Hevbendiya Niştimanî di qonaxa dahatî de yaku girîngiyê dide çakkirina ketwarê Sûriyan li hundir û dervî Sûriyê pêşkêş kir.
Û tekezî li ser guhdana Hevbendiya Niştimanî bi xurtkirins pêwendiyê li gel tevaya çalakiyên niştimanî şoreşgerî û bingeha cemawerî kir, û bal kişand ku dê hejmarek din ji baregehên Hevbendiya Niştimanî li deverên rizgarkirî hebin, li kêlek saziyên xizmetguzariyê daku karibin pirsgirêk û dozan bi rengekî lezgîn çareser bikin, û bal kişand ser hersê ofîsên nû yên li deverên rizgarkirî vebûne, yên taybet bi karûbarê jinan û ciwanan û karûbarên yasayî.
Û Abdullatif, li ser heza Hevbendiya Niştimanî ji berfirehkirina nûnertiya Hevbendiyê li ser asta navdewletî û navnetewî ji bo xurtkirina têkliyên hevbeş li gel dewletên dost û birayên gelê Sûrî axivî, di riya vekirina ofîsên wê yên nû li Emrîka û hin dewletên Ewropî û nîşankirina nûnerin diplomasî ji yên ji rijêma Elesed cuda bûne.
Û Hevrêzkarê Revendan di Hevbendiy Niştimanî de Mihemed Yehiya Mektebî cextî li ser pêwîstiya pêwendiyan di navbera Hevbendî û Sûriyên li gazî Entab de kir, her weha avakirina piran di riya Revenda Sûrî yên li wan dewletan ava bûne, û di nav de Revenda Sûrî li Gazî Entabê.
Ji aliyê xwe ve Serokê Revenda Sûrî li Gazî Entab, D. Mustefa Elhusên, pêşwaziya serdana şanda Hevbendiya Niştimanî kir, û li ser piştgiriya Hevbendiyê û pîrozbahîya Serokê Hevbendiya Niştimanî D. Nesir Elherîrî di riya nameyeke fermî re bi boneya avakirina Revenda Sûrî li Îyaleta Gazî Entab spasiyên xwe pêşkêş kirin.
Û tekezî li ser girîngiya hevkarî û hevrêziyê li gel Hevbendiya Niştimanî di tevaya dozên dikevin bercewaniya Sûriyan li Gazî Entab di riya Rêvebiriya Revendan re kir.
Jêder: Ofîsa Ragihandinê ya Hevbendiya Nişrimanî ya Sûrî
