Emîndarê Giştî yê Hevbendiya Niştimanî ya Sûrî, Ebdulbasit Ebdulletîf, rapora rolane ya Emîndariya Giştî pêşkêş kir, û têde li ser karê Emîndariyê di xurtkirina karê dezgehî û rakirina asta pêwendiyên sûrî-sûrî de û pêşkêşkirina xizmetkariyan û piştgiriya pêwîst bo çalakiyên ofîs û rêvebirî û komîteyan axivî.
Û Emîndarê Giştî karê Emîndariyê di xurtkirina hebûna Hevbendiya Nitimanî li deverên rizgarkirî di riya pêşxistina karê rêvebirî di Ofîsên Hevbendiyê de daku rêşûnên rêxistinkirî û rêvebirî temam bibin, û wan ofîsan bi kadroyên mirovahî xurt bikin berçav kir, her weha bihêzkirin û piştgiriya wan ofîsan.
Û bal kişand ser hevkarî û hevrêziya li gel Hikûmeta Sûrî ya Demkî û Yekîneya Hevrêzkariya Piştgiriyê di hemû warên cîbicîkar yên girêdayî bi xizmetkariya welatiyan li deverên rizgarkirî û li dewletên penaberiyê, û got ku Emîndariya Giştî hin pirsgirêk û giliyên ji aliyê welatiyan ve dighên Hevbendiya Niştimanî ji Hikûmeta Demkî re dişîne, ew kar jî di riya komîteya hikûmetê di hevbendiyê de pêk tê, daku bêtin çareserkirin.
Û Emîndarê Giştî li ser rola Emîndariya Giştî di şopandina karê komîteya hecê ya bilind de û di warê piştgiriya karê wê de axivî, û got ku wê komîteyê karibû ku veksînên dijî vîrosa korona bo karmend û rêvebirên di komîteyê de çi li deverên rizgarkirî be an ji bo nişteciyên li tirkiyê be dabîn bike, her weha di piştgiriya beşdariya şandê Komîteya Hecê di kongirê navdewletî de yê ku Serokatiya Karûbarên Olî ya Tirkiyê lidar xistiye alîkar bû.
Û Emîndarê Giştî rola Emîndariya Giştî di karê Komîteya Sûrî-Tirkî ya Hevbeş ya pispor di çareserkirina dozên sûriyên li tirkiyê û çareserkirina rewşên wan ên yasayî berçav kir, û tekezî li ser berdewamiya piştgiriya karê komîteyê bi kadroyên xwe yên rêvebirî û şopandina wê û dabînkirina rêxweşkirinên pêwîst kir.
Jêder: Ofîsa Ragihandinê ya Hevbendiya Niştimanî ya Sûrî
