Encumena Parêzgeha Helebê ya Azad ya girêdayî Wezareta Rêvebiriya Xwecihî û Xizmetkariyê di Hikûmeta Sûrî ya Demkî de, hilbijartinên destnîşankirina endamên Encumena Xwecihî li bajarokê Tirkman Barih û gundên bi ser ve li gor yekîneya rêvebirî lidar xistin.
Û pirosesa hilbijartinê di katijmêr neh û nîvê sibeha roja şemiya bûrî di çar navendan de dest pê kir, navend jî ev bûn: Dibistana lîseya Tirkman Barih, dibistana navencî ya Tirkman Barih, dibista seretayî ya Elgêlaniyê û dibistana seretayî ya Bozderbe, û sendoqên dengdanê di katijmêr pêncê êvara heman rojê de hatin girtin.
Û hejmara kaxezên hilbijartinê gihişte 1368an, 763 jê mêr bûn, û 605 jin bûn, hejmara kesên ku dengê xwe dane gihişte 1116 kesan, 645 jê mêr bûn, û 471 jin bûn.
Û Hikûmeta Sûrî ya Demkî roja şemiya bûrî ragihand ku hilbijartin li bajarokê Tirkman Barih di heyameke aram de lidar ketin, û Serokê Encumena Parzgeha Heleba Azad Parêzer Ebdilezîz Şobek diyar kir ku ev hilbijartina duyemîn e li deverê piştî hilbijartinên Encumena Xwecihî ya bajarokê Tilarê.
Û Şobek bal kişand ser ku hilbijartin di bin serpereştiya komîteyeke pênckesî û komîteyên şaxan û komîteya redkirinê ya yasayî ji hêla Sendîkeya Parêzerên Azad ve amade bûye, daku pirsgirêkên hilbijartinê bişopîne, û bal kişand ser ku hevrêzkarî bo pirosesa hilbijartinê li gel Wezareta Rêvebiriya Xwecihî û ya Xizmetkariyê di Hikûmeta Sûrî ya Demkî de çêbû, her weha şopandina li gel Encumena Exterînê ya li navçeyê.
Û 32 berbijêr ji jin û mêran yên ku mercên vê pirosesê li ba wan hebûn di hilbijartinan de beşdar bûn, û 15 berbijêr ji wan bo Nûnertiya Encumena Xwecihî bi ser ketin, ew jî ev bûn: Mehmûd Mihemed Elibrahîm, Mihemed Elî Ebdilrezaq Hac Ebdellah, Hesen Ehmed Elhecî, Eyûb Husên Eyûb, Fadil Îbrahîm Elî Brahîm, Nebhan Mihemed Nebhan, Ebdilcewad Ebdilmecîd Ebdilmecîd, Ziyad Beşîr Kosa, Ehmed Heson Îbrahîm Elmistefa, Mihemed Mehmod Elhusên, Mihemed Yûsif Elyûsif, Mihemed Sadiq Elhusên, Mihemed Ehmed Elberekat, Mehmod Mihemed Elî Husên Û Cemal Mihemed Fadil Elsalih.
Jêder: Ofîsa Ragihandinê ya Hevbendiya Niştimanî ya Sûrî
