Endamekê Hevbendiya Niştimanî ya Sûrî Ehmed Bekûra, hevxemiya xwe li gel nexweşên pençeşêrê li bakurê Sûriyê anî ziman, û di vîdyoyeke tomarkirî de li ser rûpela xwe ya Twitterê belav kiribû, têde ew û zarokên xwe serê xwe kur dikin.
Û nivîsek peya kiribû têde digot ku ew wek siyasetmedarekî bi bêkarîneke êşdar hest dibe, çimkî ew nikare çareyên yekser bo vê bobelatê bibîne, lewra biryar da ku tevlî helmeta çalakvanan bibe û pirça serê xwe kur bike, wek hevxemiyê li gel wan nexweşan, û got ku ew zarokên tûşî penceşêrê bûne li deverên rizgarkirî, rastî derdeseriyên mezin tên, di têkoşîna xwe ya li dijî vê nexweşiya biêş de, ji ber ku derdeseriyên ketwarekî dijwar dikşînin, ji encama ku rêyên gihiştina dermankirinê hatine birîn, û piştî erdheja wêranker a ku di Sibata bûrî de li Tirkiya û Sûriyê daye, dijwartir bû, ji ber ku tenê nexweşxaneyên Tirkiyê penageha nexweşên Sûriyê bûn, lê îro nikarin pêşwaziya wan bikin, piştî ku hin nexweşxane hatin wêrankirin, û hin ji wan beşek jê ji kar ketine.
Û bang li hemû xuşk û birayên Ereb kir ku piştgirî û alîkariyê bidin kesên hewcedar, û amaje bi wê yekê kir ku ev êş dê êşên ku hatine serê gelê Sûriyê sivik bike.
Û ji dostên li Amerîka, Ewropa, Japonya û hemî welatên azad li çar aliyê cîhanê ên nexweşxaneyên dermankirina wê nexweşiya metirsîdar li rex wan hene xwest, ku alîkariyê ji bo kêmkirina êşa nexweşên penceşêrê bikin.
Û daxwaza destwerdanê û alîkariyên bilez ji aliyên pêwendîdar ên Netewên Yekbûyî û saziyên wê yên pispor di alîkariya penaberan de û rêxistinên mirovî yên navdewletî kir, ji ber ku alav û dermanên pêwîst li deverên rizgarkirî peyda nabin.
Jêder: Ofîsa Ragihandinê ya Hevbendiya Niştimanî ya Sûrî
