Serokê Hevbendiya Niştimanî Hadî Elbehra êrîşên asmanî yên Israyîlê protisto kirin û weha salix da” em destdirêjiya” ku hêzên Îsraiylê doh piştî têperiya azmanê sûrî pêk aniye şermezar dikin, û ew wêraniya ku li Sûriyê bûye em rijêma Esed pê berpirsiyar dikin, tevlî şehîdbûna 200 hezar kesî di dema 4 salan de tenê ji bo mana desthilatê di destê wî de,” herweha Elbehra doz li Gelê Sûriyê kir”ku li dora armanc û pransîbên Şoreşê û daxwaziyên ko Sûrî ji bo wan di adara 2011an de derketin bibin yek û berdewam bin.” Û şermezariya xwe da derbarî “bêkêriya civaka navdewletî li hember binpêkirinên rijêma Esed ku Îsraîla dagîrker û rêxistinên tîrorîst sûdê jê werdigirin ji bo pêkanîna armancên xwe yên taybet, lê gelê sûrî yê sivîl nirxê wan dide”
Herweha Elbehra doz li Civaka Navdewletî kir”da berpirsiyariyên xwe yên yasayî û mirovahî hilgirin û sînorekî ji tawanên Esed re dijî gelê Sûrî deynin. Herweha doz li Civaka Navdewletî kir ku “dest ji durûtiya pîvanê berde û çavên xwe ji tawanên rijêmê negire, û divê dûmahiyek ji vê qonaxa dîroka sûrî re bê danîn, û rêçek ji bo hêvî û daxwazên gelê sûrî pêk werin vebe.
Hêjayî gotinê ye ku Nesir Elherîrî Emîndarê giştî yê Hevbendiyê dît ku êrîşên berê yên Israyîlê li ser Cewlanê û Elhara pêk anîn “yekbûna bizavê di navbera Esed û dagîrkerên îsrayîlî de bû li dijî pêveçûna xuyanî ya Şoreşgeran li Cewlan û Qunêtira û bajarê Dar’a” û got: “armanckirina cîgehên leşkerî tiştekî pêşbînkirî û xwezayî bû hem jî çarik ji ser peywendiya xurt ya navbera Esed û dagîrkerên Israyîlî de hilanî, ya ko Rêjîma Esed demên buhirî ew bi dijberiyek sexte dinixumand.”
Elherîrî armanckirina Israyîlê ji cîgehin Cewlan û Qunêtira re rave kir “Israyîl ditirse ew navendên leşkerî têkevin destê Şoreşgeran û karînên wan yên şer xurtir bibin. Û li ser çima berê ew cîgeh bombebaran nedikirin got, çimkî ewan tu metirsî li ser Israyîlê çê nedikirin, û berevajî wê ,ew navend pêwanên leşkerî bûn armanca wan parastina herêmên Israyîlê bû.” Elherîrî daxuyaniya xwe wisa bidawî kir: “Esed nema dikare ewlekaria Herêmê pêk bîne û amade ye ko bi tekûzî wê vêxîne, bi danîna endamên xwe yên tirorist yên alîkariya wî di misogerkirina armancên wî de dikin.”
Jêder: Hevbendî
