Endamê Desteya Siyasî ya Hevbendiya Niştimanî ya Sûrî Behcet Etasî, tekez kir ku nûkirina bombebarana deverên sivîlan li derdora bajarê Etarib li gundewarê Helbê ji hêla hêzên rijêma Esed ve, weke tekeziyê ye ku ev rijêm di siyaseta xwe ya tawankarî de berdewam e, û bi gotinên tund bêdengiya berdewam ya civaka navdewletî hember van tawanan şermezar kir.
Û Etasî bal kişand ser ku ta helwesteke vebir bo rawestandina tawanên rijêma Esed û piştgirên wê dermafê sivîlan nebe, aramî û ewlehî venagere Sûriyê, û cext kir ku divê tenê wek hejmar li jiyana sivîlan li Sûriyê neyê temaşekirin.
Tê zanîn ku di bombebarana duh de li ser derdora bajarê Etarib li gundewarê Helebê ji aliyê hêzên rijêmê ve, şeş kes birîndar bûn, du zarok di nav wan de hebûn, her weha gundên Elfitîra, Wesan, Elnêreb, Mearet Elneisan û Kefer Eme hatin armanckirin.
Û di bombebarana rijêma Esed û Rusya roja duşemê de yaku sivîlên li nav zeviyên zeytûnan li gundê Meer Bilît li başûrê Idlibê dixebitîn armanc kirine, sivîlek şehîd ket, û yekî dî jî birîndar bû.
Jêder: Ofîsa Ragihandinê ya Hevbendiya Niştimanî ya Sûrî
