Sikirtêrê giştî yê Hevbendiya Niştimanî ya hêzên şoreş û rikberiya Sûriyê Abdulîlah Fehid, sipasiya lîwayê Libnanê ceneral Aşref Rîfî kir li ser beşdariya wî di çareserkirina kêşeya kampa “Elrîhaniyê” ya penaberên Sûriyê ya li deşta E’kar a li Libnanê ya li nêzîk sînorên Sûriyê.
Fehid bi telefûnê ligel Rîfî axivî û got ku “penaberên Sûriyê pir zehmetiyan dikişînin, ji ber koçberkirin û wêrankirina gund û bajarên wan bi destê rijêma Esed”, û bal kişand li ser “giringiya ku bibin alîkar ji hemû penaberan re”.
Ji hêlek din Yekîtiya Komeleyên Hawarhatinê roja înê di 25’ê çirya paşîn ya bûrî de, ragihand ku ew ji aliyê fermandariya artêşa Libnanê ve hatibûn agahdarkirin, ku biryara valakirina kampa “Elrîhaniyê” ya penaberên Sûriyê li deşta E’kar hîn nehatiye dan.
Herwiha Sikirtêrê giştî yê Hevbendiya Niştimanî sipasiya xwe diyar kir ji hemû kes û alîyên alîkariya penaberên kampa “Elrîhaniyê” kirin û beşdarî di rawestandina biryara barkirina wan de kirin.
Hêjayê gotinê ye ku deshilatdarên Libnanê nameyek devikî , 11 çirya pêşîn, dabûn penaberên kampa “Elrîhaniyê” û têde derfeteka valekirina kampê di dema deh rojan de dabûn wan.
Kampa Elrîhaniyê li bajarokê Bînîn e, li deşta E’karê, û ew bi xwe mezintirîn kampên penaberan e li deşta Akarê ku nêzîkî 25 kampan lê heye, ji bilî kampên belav li hin navçeyên din ên Libnanê, û xuyatirîn kamp li navçeya E’rsal e, ya li ser sînorê Sûriyê.
Jêder: Nivîsîngeha Ragihandina Hevbendiya Niştimaniya Sûrî