Girûpa Kar a Partî û Şepêlên Sûriyê ya Hevbendiya Niştimanî ya Sûrî, li baregeha hikûmeta demkî ya Sûriyê li bajarê Elra’î li gundewarê Helebê, civînek ligel Hereket Elnehda Welrefah ya Sûrî lidar xist, wek beşekî ji plana Girûpê ya pêkanîna hevdîtinan û bihêzkirina peywendiyan ligel partî, kombend û tevgerên siyasî yên Sûriyê ên ku nêrîn û armancên wan ên giştî hevbeş in li gel ên Hevbendiya Niştimanî.
Di civînê de ji aliyê Hevbendiya Niştimanî ve hevrêzkarê Girûpê Mihemed Elî Îsa û endamên girûpê Ebdullah Gedo û Mihemed Farûq Teyfûr amade bûn.
Ji aliyê Hereket Elnehda Welrefah jî Mazin Ebdulrezaq, Mihemed Zekûr, Ehmed El-Elî û Ebdulkerîm Cum’a beşdar bûn.
Amadebûyan tekez kirin ku armanca bingehîn a alî û pêkhateyên civaka Sûriyê, hevpariya niştimanî ye, ji ber ku armancên bingehîn ên hemûyan yekîtî û yekparçebûna herêmên Sûriyê û pabendbûna bi viyana gel e.
Beşdaran bal kişand ser girîngiya van civînan ji bo avakirina hevkarî û hevbendiyan di navbera partî û tevgerên siyasî yên Sûriyê de, û destnîşankirina xalên hevbeş di navbera wan de, ji bo gihiştina rewşa hevtemamkirinê di navbera hemû pêkhateyên siyasî de, û gotin ku avakirina Kombenda Partiyên Siyasî yên herêmên rizgarkirî ên ku ji 7 partiyan pêk tên, pêngavek li ser riya rast e.
Di gotûbêjan de hat tekezkirin li ser ku her pirojeya niştimanî ya aliyan bighîne hev û daxwazên gelê Sûriyê pêk bîne, hêjayî piştgiriyê ye, ji ber ku xala hevbeş di nav hemûyan de berjewendiya gel û xebata siyasî li dijî rêjîma Esed e.
Amadebûyan tekezî li ser pêwîstiya rawestandina kêmbûna guhdana navdewletî bi dosyeya Sûriyê û karkirina li ser zêdekirina wê guhdanê kirin, û gotin ku ev yek bi riya bidestxistina piştgiriya gel re peyda dibe, bi rêka rêveberiyeke şareza, pêşxistina herêmên rizgarkirî, başkirina rewşa jiyanê, peydakirina derfetên kar û jîngehek ewledar û aram a ku habdanê li ser veberhênanê bike, herweha zêdekirina hevgirtina di navbera pêkhateyên siyasî yên Sûryê bi aliyên wê yên cuda ve.
Amadebûyan pêşniyara lidarxistina civîneke berfireh kir ku Hevbendiya Niştimanî û aliyên curbicur ên Sûriyê tê de beşdar bibin, da ku bibe platformek an çarçoveyek ji bo partiyên niştimanî yên Sûriyê, û nêrînek berfireh ji pêvajoya siyasî û paşeroja gelê Sûriyê re pêşkêş bike, di çarçoveya “Sûriya piralî û demokratîk” de.
Jêder: Dezgeha Ragihandinê ya Hevbendiya Niştimanî Sûrî
