Endamê Hevbendiya Niştimanî ya hêzên şoreş û rikberiya Sûriyê, general Fehid Hesûn, serdana nûnerê Wezareta Derve ya Tirkiyê li parêzgeha Hatayê, balyoz Serdar Cengiz kir, û bi wî re pêşhatên herî dawî yên meydanî, siyasî û rewşa penaberên Sûrî li Tirkiyê gotûbêj kirin.
Hesûn pirtûkek li ser sedemên şoreşa sûrî bi zimanê erebî û tirkî diyarî balyozê Tirkî kir, ku têde behsa tawanên rejîma Esed li dijî sivîlên bêguneh ji hemû pêkhatan kiriye, û qurbanên ku ji hêla gelê Sûrî ve ji bo azadî û rûmetê hatine dan.
Herdu aliyan behsa operasyona leşkerî ya ku ji hêla Artêşa Niştimanî ya Sûrî û artêşa Tirkiyê ve li rojhilatê Firatê ve hate encamdan kirin, ku di encamê de bajarê Serêkaniyê û bi dehan gund û bajarokên Girêspî hatine kontrolkirin.
Her du aliyan tekezî li ser giringiya aramiyê li deverên rojhilatê Firatê û rakirina rêxistinên terorîstî kir, di nav wan de çekdarên milîsên PKK, PYD û DAIŞê, ku dê bibe derfetek ji bo vegera koçberan da vegerin warên xwe, û tekez kirin ku hewcedarî bi rêvebirina van deveran ji hêla xelkên wan ve heye.
Hesûn bal kişand li ser têkiliya dîrokî ya di navbera gelên Sûrî û Tirkî de, û tekezî kir li ser rijdiya gelê Sûrî li ser berdewamkirina şoreşa xwe heta gihiştin armancên xwe ên hilweşandina rejîma Esed û avakirina dewletek daddar a wekheviyê pêkbîne.
Jêder: Ofîsa Ragihandina Hevbendiya Niştimanî Sûrî