Endamê desteya Siyasî û serokê berê yê Hevbendiya Niştimanî Hadî Elbehra rexne li pilana Hevpeymaniya Navdewletî ya li ser dijberiya rêxistina DAIŞê di Sûriya de kir, ku hêzên Hevpeymaniyê xwe dûr dikin ji armanckirina çeperên rêjîma Esed yên berdewam alîkariyê didin DAIŞê bo kontrolkirina navçeyên didest şoreşgeran de.
Hêjaye gotinê ku Hevpeymaniya Navdewletî ya dijbeiya DAIŞê, îro li Parîsê paytexta Firensa kongirek bi serokatiya Wezîrê derve yê Firensa Loran Fabyos û pişkdariya 24 wezîr û nûnerên rêxistinên navnetewî lidarxist, ji bo şopandina stratijiya Hevpeymaniyê di Iraq û Sûriyê de piştî pêşketinên berçav yên rêxistina DAIŞê yên vê dawiyê, tevlî encamdana firokên Hevpeymaniyê bêhtir ji çar hezar êrîşên esmanî li dijî çeperên wê.
Elbehra daxwaz ji Hevpeymaniya Navdewletî kir ku bi erkê xwe rabe li hember piştgirîkirina wan şoreşgerên li dijî DAIŞê şer dikin li bakur û başûrê Sûriyê, bê hîç piştgiriyek bi çek û çebilxaneyan yanjî bi zanyarî û agahiyan bi wan re bibe.
Herwiha Elbehra diyar kir ku rêjîma Esed di vê dawiyê de bi rêkxweşkirina êrîşên DAIŞ li ser navçeyên didestê şoreşgeran dirabe, bi rêka armanckirina wan navçeyan bi êrîşên asîmanî, wek tişta berî çend rojan li Mari’h li gundewarê Helebê çêbû, bê hîç bizavek bête kirin ji aliyê hêzên Hevpeymaniyê bo parastina şoreşgeran û girtina rê li êrîşên DAIŞê û parastina Sivîlan.
Jêder: Hevbendî
