Endamê Hevbendiya Niştimaniya ya Sûrî Ehmed Hesen, pesnê hewlên xelkê navçeya Cindirêsê û ciwanên gundewarên wê da, li ser xebata wan a cihê spasiyê di operesyonên rizgarkirinê de li gel tîmên Berevaniya Sivîl.
Û Hesen got ku nebûna alav û mekîneyên giran û nebûna tîmên pispor ên rizgarkirinê, bûn sedema hêdîbûna xebatên rizgarkirinê li bajarê wêranbûyî, û Hesen got ku eger mekîneyên pêwîst di katijmêrên pêşî de ji erdhejê hebûna, dê bidehan ji kesên ku di bin kavilan de mane bihatana rizgarkirin.
Û Hesen amaje bi wê yekê kir ku bangewaziya Encûmena Xwecihî ya Encûmena Niştimanî ya Kurd bandoreke baş li xelkê deverê kir ji bo bersivdana bangewaziya erkê alîkariya tîmên rizgarkirinê.
Ji aliyê xwe ve, Encûmena Xwecihî ya bajarê Cindirêsê di daxwiyaniyekê de ragihand, ku bajar ketiye bin bandora bobelatê û pêwîstiya wî bi alîkariya rêxistin û dezgehên xêrxwazî ji bo alîkariya awareyan heye, û got ku ji encama erdheja wêranker ya li herêmê rûdaye û bi taybet li bajarê Cindirêsê, heta niha zêdetirî 675 kes şehîd bûne û bi hezaran birîndar û yên ku di bin avahiyên wêranbûyî de hene.
Û Encumena Xwecihî anî ziman ku 257 avahî bi temamî wêran bûne, û bal kişand ser drbiderbûna bi deh hezaran kes ji malên xwe ber bi çola vekirî de di vê seqaya sar de bê stargeh, xwarin û vexwarin in.
Jêder: Ofîsa Ragihandinê ya Hevbendiya Niştimanî ya Sûrî
