Endamê Hevbendiya Niştimanî Sûrî Mihemed Xêr Elwezîr neçarkirina hêzên Elesed ji bo vekirina dorpêça Elmilêha li Xota Rojhilat li Şamê dît ku ʺew gaveke tektîkî bû ji bo destdeynin ser Herîmine din ji Xota, çimkî Elmilêha dergehê Xota Rojhilat li ser Paytextê tê dîtin, û Hevrêziya leşkerî di asteke bilin de bû di nav hemû Şervanan de li Taxên Xota di wê cenga gur ya ku şoreşgeran serpereştiya wê dikir dijî Hêzên Elesed û Çeteyên Hizbullah.
Herweha Elwezîr, kuştarên ko rêjîma Elesed li Dûma û Kefir Betna berî du rojan li dijî sivîlan kirin, ya ko bêtir ji 45 kesan bûn qurbanî, ew tolhildan bû çimkî Hêzên wî û Çeteyên tirorist yên ko piştgiriya wî dikin li himber şoreşgeran têk çûn, siyaseta Elesed ji roja pêşî de ew e ku mirov û xelkên Şoreşgeran yên sivîl armanc dikin wek alaveke fişarê li ser wan.
Her ko alayên şervan li ser xakê ji aliyê leşkerî pêşdikevin Rêjîma Elesed bombebarana xwe ya bê serûber li ser sivîlan di hundirê taxên bajarên ko raperîn kirine pir dike.
Wezîr ji Rêkxistinên mafê mirovan xwest ku: berpirsiyariyên xwe bi bal xelkên Elgota hilgirin û fişarê li Rêjîma Elesed bikin da dorpêçkirinê ji ser wan rake. Di dawiya axaftina xwe de Wezîr ji Civaka Navnetewî xwest ko biryara Encûmena Asayişa Navnetewî 2165 pêk bînin, ya ji bo derbaskirina alîkariyan bê erêkirina Elesed.
Jêder: Hevbendî