Serokê Hevbendiya Niştimanî ya Sûriyê daxwaza bizavên bilez kir ji dewletên Hevpeymaniyê û Netewên yekgirtî û dewletên Erebî bo rizgarkirina kampa Yermûkê ji bermîlên teqîner yên Beşar Esed û kêrên rêxistina DAIŞê, yên bi hev re êrîşî kampê dikin.
Serokê Hevbendiyê cext li ser wê yekê kir ku kamp tûşî terorê û hovîtiyek dijwar ji aliyê rêjîma Esed û rêxistina DAIŞê dibe, ku ji çend rojan ve DAIŞ derbasî kampê bûye û gelek ji kurên wê yên xweragir dane kuştin û girtin yên ku eve bêhtir ji 700 rojan de di bin dorpêçkirina rêjîma Esed de dijîn.
Xoca got ku hêzên Esed nikarîbûn di dirêjahiya heyvên bûrî de derbasî nava kampê bibin tevlî dorpêça asê ya li ser, bi hêz û qehremaniya birayên me yên Filistînî, lê niha DAIŞ bi vê rolê dirabe û rê li pêşiya derbasbûna hêzên Esed xweş dike, û bi vê yekê Kamp ketiye di navbera kulabên DAIŞ û rêjîmê de.
Serokê Hevbendiya Niştimanî, ji aliyê xwe ve tabûrên leşkerî yên şoreşger yên li gundewar û başûrê Şamê bihewarî vexwendin bo alîkarî û piştgirtina şoreşgerên di hindur kampê de bo rûbirûbûna êrîşên hovane û herwiha ji bo têkşikandina Hevpeymaniya gemar ya di navbera DAIŞ û rêjîmê de ya ji bona kontrolkirina kampa Yermûk.
Herwiha Serokê Hevbendiyê daxwaz ji rêxistinên mirovî kir bi derbaskirina alîkariyên xurdemenî û kelûpelên pizîşkî bo hindurê Kampê de û dabînkirina karîdorên aram bo derketina kesên xudan rewşên mirovî yên taybet ji zarok û jin û pîran.
Rêxistina Unrwa hebûna 3500 zarokan texmîn dike ji binyatê 18 hezar Sivîlên ku di hindur kampê de dijîn, û di kampê de gelekî kereste û kelûpelên xwarin û dermanan kêmbûne bi sedema dorpêça rêjîma Esed, ku ev kêmiya xwarin û dermanan bûye sedema mirina derdora 200 kesî, û herwiha hejmara nîşteciyên kampê ji 160 hezarn berî şoreşê niha bûye 18 hezar kes.
Jêder: Hevbendî
