Mihemed Yihiya Mektebî Sikirtêrê giştî yê Hevbendiya Niştimanî ya hêzên şoreş û rikberiya Sûriyê, ragihand ku desteya bilind ya danustandinan daxwaz ji Şanderê navdewletî Dî Mestora kir bo cêbicêkirina rêşûnên avakirina baweriyê ji aliyê rêjîmê, wek di biryara 2254an de hatiye, ku di nav de rakirina dorpêçkirinê ji ser bajarên dorpêçkirî û rêxweşkirina derbaskirina alîkariyên mirovî û azadkirina girtiyan û rewestandina bombebarankirina sivîlan berî destpêkirina danustandinan yên di heyva bê de.
Mektebî balkişand ku ” civînê ketwarên meydanî yên li Sûriyê gengeşe kirin, nemaze bûyerên bajarên gundewarê Şamê ji birçîbûn û dorpêçkirina bi hezaran xelkên sivîl ji aliyê hêzên Esed û mîlîşên tayifeperist ku bûye sedema mirina bidehên kesan ji birçîbûn û sermayê, nemaze li bajarê Medaya li bakurê rojavayê Şamê.
Li aliyekî din endamê Hevbendiyê Corc Sebra biryara Encûmena Ewlekariyê ya 2245 ya dawiyê bi “Biryara Bi Çavekî” binav kir, ji ber ku rêz li daxwaz û pêdawistiyên gelê Sûriyê negirtiye, ku bi pencemohra Rûsiya hatiye û nehilgira çareseriyê ye,lê belê gelek aloziyan ji rewşa Sûriyê re hildigire.
Sebra got: desteya bilind ya danustandinan duhî li Riyad ji şanderê navdewletî re diyar kir ku hin giravî derbarê biryarê hene, yek ji wan ku daxuyaniya (Jinêv1) dide xuyakirin ku armanca danustandinan ew e dirustkirina Desteyeke Hikumraniya Veguhêz ya bi tevaya desthilatan , lê biryara 2254 li ser awayinan diaxive yek ji wan pêkanîna Desteya Hikumraniya Veguhêz e. ma gelo wê çawa veguhestina siyasî pêk were eger Beşar Esed di cihê xwe de ma.
Sebra got: biryar mafê guherînên dawiyê di şanda opozisyonê de dide şanderê navdewletî, li vir em dipirsin bi çi heqî mafê destêwerdanê tête dan bo berêz Dî Mestora yan her dewleteke din yan aliyekî di dirustkirina şanda opozisyonê de? Ev yek li rex me nayê pejirandin.
Sebra weha jî got: çareseriya leşkerî li rex me tucarî ranaweste, eger çareseriyeke siyasî ya rasteqîn bi çavdêrî û gerantiyên navdewletî û netenê bi gotinan pêk neyê, lewra çareseriya siyasî ji aliyê rêjîmê û hevalbendên wê ve ne birastî ye, belê bi tenê ji bona bidestxistina demê û parçekirina opozisyonê û xistina nakokiyan di navbera wê û dost û hevalbendên wê de ye, ji ber ku çareseriya siyasî gora rêjîmê ye.
Jêder:Elriyad+ Elerebî Elcedîd
