Sikirtêrê giştî yê Hevbendiya Niştimanî ya hêzên şoreş û rikberiya Sûriyê Ebdulilah Fehid, daxwaza şermezarkirinek bi zelalî û eşkere der barê tawanên berdewam ên rêjîma Esed û hevalbendên wê li dijî sivîlan ji civaka navdewletî kir.
Ku Fehid duhî di daxuyanekê de got ku :”bêdengiya civaka navdewletî hember tawanên Rêjîmê û tawanên herdu dagîrkariya Rûsiya û Îranê, û erzankirina nirxê xwîna xelkê Sûriyê, dibe bêşermiyek mirovî ya mezin, û pêwîst e bi awayekî eşkere û xuya bên şermezarkirin, û tawanên rêjîmê û dûvelankên wê bên rawestandin, ku her xemsariyek der barê vê yekê de, dibe piştgiriyek eşkere ji tawankaran re û herwiha dibe beşdarî di rijandina xwînê de”.
Firokên rêjîma Esed û yên dagîrkariya Rûsiya zincîrek ji komelkujiyan li bajarê Idlibê pêkanîn û têde bi dehan kes şehîd û birîndar ketin tevlî jin û zarokan, û têde navendeke ezmûnên qotabiyan û herwiha derdora navendekê ezmûnan bi sê mûşekan hatin bombebarankirin, û bû sedema tirs û ziyanên mezin, û navenda ezmûnan bicarekê derket derveyî çarçovê xizmetê, lewra ezmûnên qotabiyan li parêzgehê hatin paşxistin.
Fehid ev tawanan şermezar kirin, nemaze tawanên berdewam yên li dijî taxên sivîl û nişteciyan, yên dibin sedema koçbarkirina xelkê, herwiha bombebarankirina xwendingeh û rêveberiya perwerdeyê û desteyên fêrkirinê, û oparesyonên terorî yên bi armanca jinavbirina pirojeyên perwerde û fêrbûnê yên ji bo rizgarkirina paşeroja welat şermezar kir.
Fehid bal kişand ku ev binpêkirin dibin tawanên şer, û herwiha dibin binpêkirin li ser rêkeftin-nameya Jinêv û riftarekî tawankarî yê stratîjîk e wek siyaseteke pêrewkirî li tevahiya Sûriyê her ji destpêka şoreşê tê bikaranîn, ku bi mebest xwendingeh û mizgeft û nexweşxane û navendên pizîşkî û ambargehên alîkariyan û tevî xanî û avahiyên akinciyan tên armanckirin.
Jêder: Hevbendî
