Hevbendiya Niştimanî ya Hêzên Şoreşê û Rikberiya Sûriyê tekez kir ko sîmayên Çareseriya Siyasî ya herdemî ji bo Sûriyê ji damezirandina Desteya Desthilatdar ya veguhêz bi hemû karûbaran dest pê dike, çimkî ew dê zemîneke guncayî ji amadekirina destûreke nû û pêkanîna hilbijartinên perlemanî û yên serokatiyê wê derfetê li ber hemû Sûriyan veke da di çêkirina paşeroja welatê xwe de beşdar bibin.
Ew di civîna Deteya Siyasî ya Hevbendiya Niştimanî digel Endamên Hevbendiyê yên Desteya bala ya danûstandinan û Şanda danûstandinê îro pêncşemê gengeşe bû. Di civînê de li ser gera duyem ya danûstandinan yên ko li Cinêvê di nîveka Adara nuha de bi çavdêriya Netewên Yekbûyî gengeşe kirin, her wiha planeke kar danîne da lêvegera Şanda Hevbendiyê di gerên dahatî de be.
Ji aliyê xwe ve Endamên Şanda danûstandinan pabendiya xwe bi pirinsîbên Şoreşê û tiştên Hevbendiyê destnîşan kirine ji danûstandinan re tekez kirin, yên ko serdema rêjîma Esed bidawî dike û welat ber bi desthilatdariyeke dîmuqratî, piralî ko mafê hemû pêkhatiyan çi olî an netewî bin tê de mîna hev be.
Endamên Desteya Siyasî di axaftinên xwe de gotin ku armanca derbasbûna Operasiyona danûstandinan veguhestina siyasî ye, ya ko cihê Beşar û zilamên wî tê de tune ye dabîn bike.
Civîngeran destnîşan kirin ko danûstandinên Cinêvê wê derdê miletê Sûrî bidawî bike eger Civaka Navdewletî Esed mecbûr bike ko jidil têkeve danûstandinan û bombebarana bajaran birawestîne û karê dijminkariyê ko li ser li hev kirine birawestîne.
Jêder: Hevbendî
