Endama Hevbendiya Niştimanî ya Hêzên Şoreşê û Rikberiya Sûriyê Sûhêr Eletasî, doz kir ko gerek komîta navdewletî ya Xaça Sor, çavdêra peymana navbera rêjîma Esed û Girtiyên Zindana Hemayê be ji bo garantiya cîbicîkirina wê ya rastî hebe.
Di daxuyaniyeke taybet de, îro duşembê Sûhêr Etasî endama şanda danûstandinan li Cinêvê got: “peyman hêj cîbicî nebûye ji bilî tiştekî pir kêm jê, her wiha Girtî hêj raperîbûna xwe feriz dikin” û parçekirina kêşeya Girtiya ya ko Esed doz dike red kir.
Bizavên Hevbendiya Niştimanî ji bo berdana Girtiyên Hemayê û hemû Girtiyên di Zindanên Esed de hêj berdewam in. Enes Elebde bi telefonê digel Şandyarê navnetewî Stîvan Dî Mistora axivî, da fişarê bide ser Esed ji bo Girtiyên Zindana Hemayê ya Navendî biparêze û hem jî wan berde.
Eletasî bizava Girtiyên Zindana Hemayê, û çawa dosya Girtiyan dan pêş bilind nirxand, ew yeka ku dewletên çavdêrên danûstandinên Cinêvê nikarîbûn bikirana.
Eletasî doz li dewletên çavdêr li danûstandinên Cinêvê û ya sereke Emerîka kir, da fişarê bidin ser Esed ji bo bihêle Xaça Sor a navdewletî wek aliyekî dabînkar ji lihevkirinê re derbas bibe, nemaza ku biryarên navdewletî yên bi Sûriyê ve têkildar in, û ji wan jî daxuyaniya Cinêvê û biryara 2254 û biryara rawestandina kirdeyên dijminkariyê 2268, hemû jî berdana Girtiyan di wan de heye.
Girtiyên Zindana Hemayê doza berdana nexweş û kalemêran kirin, lê belê Rêjîmê heta nuha pabendî pê nekiriye û tenê 21 Girtî bi şêweyekî bêserûber berdane.
Jêder: Hevbendî
