Îro Wezîrên Desthilata Demkî,raportên tekûz ji Desteya Giştî di Hevbendiya Niştimanî Sûrî re, bi karên ko dezgehên wan di dema buhurî de kirine pêşkêş kirin.
Civînên Desteya Giştî bi Wezîrên Desthilatê re, bi serokatiya Ahmed Tu´ime doh dest pê kirin, piştî vekirina Endaman ji civînê re, Sûretê Alfatiha li ser rewanê şehîdên Sûriyê û yên Xeza hate xwendin.
Desteya Serokatiyê ya Hevbendiya Niştimanî derfet da Wezîran (ne bêtir ji 15 xulekan) ji bo destkeft û rajeyên xwe yên ko ji Sûriyan re kirine pêşkêş bikin, herweha Desteyê derfet da Endaman da pirsên xwe ji Wezîran bikin, da karên wan binirxînin.
Civînên Desteyê çê bûn, piştî Serokê Hevbendiya Niştimanî, Hadî Albehra çend caran seredana navenda Desthilata Demkî berî çend rojan kir, ji wê pêvajoya karê wan dît, û Kevaleya Rêkxistinî ya Desthilatê nirxand.
Albehra di wê seredanê de hevdîtin bi Wezîrên Desthilata Demkî re kir , wan jî plan û karên yasayî û stratîcî yên ko li hundirê her Wezaretê çê dibe berçav kirin, Albehra di seredana xwe de li ser ”Giringiya karê Dezgehî û yê Tiknuqratî di kevaleya Dezgehên Cîbicîkirinê ji bo karûbarê Desthilatê biser bikeve tekez kir.
Bijartina Kadiran yekemîn pêdivî ye, pêwîste pisporî ew pîvan be”.
Serokê Hevbendiyê nîşan kir ko”Gereke sûdewergirtin ji pisporan piştguh nebe, tevlî pisporên ko di hundirê Dezgehên Rêjîmê de kar kirine, çimkî Hevbendî û li gora amancên ko Şoreş ji bo wan rabû, nabe ko Dewletê tunebike, lê parastina wê bibe, û gendelên ko Rêjîmê di kevaleyên cîbicîkirinê de çandine bêne hilkirin ”
Albehra piştî ko bû serokê Hevbendiyê got “Plana kar nuha li ber cîbicîkirinê ye, navûnîşana wê dê SÛRIYA be, her çi guherînên derve jî hebin, wê di bin sîwana karê Niştimanî de bin, dûrî hemî rakêşanên siyasî yên dibe ko bandora xwe li pêvajoya me xwestiye ku wê dehf bidin bike. Plan di mehên dahatî de wê giraniyê bide ser çaksaziya tekûz ji kevaleya Dezgehên cîbicîkirinê yên Şoreşê, ya ku Wezaretên Desthilatê û alayên şervan li meydanan nûnertiya wê dikin”
Albehra gotina xwe wisa bidawî kir:”Amanca hevdîtina me bi Wezîran re ewe ku em destkeftên wan û astengiyên dikevin pêşiya karê wan bizanin, da em cihê sistbûnê nîşan bikin û çareya wan yekser bikin, çimkî mijara Sûrî nema bendewariyê dipejirîne.”
Jêder: Hevbendî
