Ebdulehed Stêfo, Endamê desteya siyasî ya Hevbendiya Niştimanî ya hêzên şoreş û rikberiya Sûriyê, daxwaz ji parlemantoya Ewropî kir ku xwe tevlî rewşa Sûriyê bi roleke mezintir û karatir bike, nemaze di fayîlê siyasî û leşkerî de, di çarçova agirbesta dawiyê de, û nehêlana destdanîna Amerîka û Rûsiya bi tena xwe li ser kêşeya Sûriyê.
Stêfo di daxuyaniyeke taybet de bo Nivîsîngeha Ragehandina Hevbendiyê got ku niha dem hatiye ku Ewropa bi destpêşxeriyek siyasî di çarçova piroseya siyasî ya niha li sûriyê dibe rabe “,û bal kişand ku Ewropa rastî du rûbirûbûnan dibe ku ewjî: pêla penaberiyê ye, û êrîşên terorîstî ne, herwiha daxwaza dirustkirina navçeyên aram di sûriyê de kir.
Herwiha matmayî ma li hember dilxwestina civaka navdewletî di dijatiya rêxistina DAÎŞ û Elqa’îda, lê bêdeng dimîne li hember bi hezaran terorîstên rêxistinên tayfeperist yên ji Îranê hatine û hêjî derbasî Sûriyayê dibin bo piştevanîkirina hêzên Esed, cext kir ku ewjî berpirsin li tenişt rêxistina DAÎŞê di encamdana bi sedan komelkujiyan de li dijî gelê Sûriyê.
Herwiha Stêfo daxwaz ji parlementoya Ewropa kir bo pêşkêşkirina piroje-biryareke navnetewî ji bona rêzbendkirina sercem mîlîşên tayifeperist yên Îran dişîne Sûriyê û Hizibulaha terirîst, wek rêxistinên terorîst, û komkirina binpêkirin û tawankariyên wan û raguhestina wan bo dadgeha tawanên navdewletî û têxistina berpirsyaretiyê wan rêxistinan di stûyê rêjîma Îranê û ya Esed de.
Stêfo, di roja çarşema bûrî de li baregehê parlementoya Ewropa li Birûksil, di sîmînarekê de derbarê Îranê û siyasetên wê yên derve û navxweyî beşdar bû, ev simînar hatibû sazkirin ji aliyê girûpa dostên Îrana azad yên ku ji 200 endamên parlementoya Ewropa pêk tê.
Hêjayê gotinê ye ku hin endamên parlementoya Ewropa û endamên girûpa dostên Îrana azad di nav beşdaran de hebûn, tevî serokê wê berêz Cîrard Dibre û parlemantarê Beljîkî Fîdal kiwadiras û serokê berê yê parlementoya Ewropî, û tevî Batrîk Kindî ji Amerîka û seroka berxwedana Îranê Miryem Recewî.
Stêfo di miyanê pişkdariya xwe de di simînarê de xuya kir ku têkiliyên rêjîma Esed û rêjîma Îranê di serdemên bûrî de di çendîn qonaxan re derbas bûn, heta gihişt rewşa destêwerdana leşjerî û sepandina dagîrkeriya xwe li ser Sûriyê, di çarçovê pêkanîna siyaseta rêjîma îranê ya vegirtin û berfrehkirinê de.
Endamê desteya siyasî Stêfo tekez kir ku şoreşa sûriyê derket li dijî stemkarî û gendeliyê û ji bona dabînkirina rûmet û azadiyê, û îro hat guhertin û bû tevgereke berxwedan û rizgarkirina niştimanî li dijî dagîrkarên biyanî û di serî de li dijî Rûsiya û Îranê.
Jêder: Hevbendî
