Endamê Desteya Siyasî di Hevbendiya Niştimanî Sûrî de Xalid Elnasir, rizamendî diyar kir ji“Karê Emerîka û hevparên wê yên Herêmî û Ewropî ku gotûbêjê li ser pêkanîna Herêmeke qedexekirina asmanî ne tekûz li Sûriyê” û tekez kir ku “ev gaveke erênî ye, bi taybetî ku berê jî Hevbendiyê wekû planekê li ser dewletên hevalên Sûriyê pêşinyar kiribû ku gerek e herêmeke asa çêbibe da dezgehên Hevbendiyê û Desthilata Demkî bi bal Sûriyê ve bêne guhastin.”
Herweha Elnasir di hevdîtinekê de digel Nivîsgeha Ragihandinê destnîşan kir ko: “Hevbendiyê bi van dewletan re pêdiviyên babetê ji aliyê daxwaziyên parastina leşkerî û perelêçûnên wê gengeşe kir, û giringiya evê kiryarê di çarçoveya çareserkirina hindek ji pirsgirêka Penaberan ko bi bal Herêmên hêmin û parastî de bêne guhastin.”
Endamê Desteya Siyasî ya Hevbendiya Niştimanî li ser gotûbêjên ko di vê mijarê de çê dibin, got: “Ev pêngaveke di rêça rast de piştî ko gelek caran ji destpêka Şoreşê de sepandina qedexekirina rabûna Firokan dihat daxwaz kirin.”
Herweha Elnasir dît ko: “Bercewendiya Tirkiyê (dewleta ko ev babet pêşinyar kir) ji çend aliyan ve tê de heye: Yekem: mijara ewlekariyê çimkî sînorê wê çendîn car pirsgirêkên ewlekariyê bi sedema rêjîmê lê çê bûne, hem jî arîşeya pirbûna hejmara Penaberên ko berdewam derbasî Tirkiyê dibin.”
Xalid Elnasir dît ko: “Hevçaxiya di nav gotûbêjên Emerîka û Hevbeşên wê sebaret qedexekirina asmanî û Hevalbendiya ko wê ji bo tunekirina Daişê çê bibe, baLêkêş e, û ew nîşaneke ko Rêjîma Esed ne beşdar e di beraberiya Tiroristiyê de lê belê di çêkirina evê diyardeyê de ew endamê sereke ye, û ji bo tunekirina wê gerek Rêjîma Esed bête hilweşandin.”
Xalid Elnasir da xuyakirin ko: “dabînkirina Herêmeke parasî ji firokan li Sûriyê wê pareke mezin ji jêderên hêza Esed kêm bike, ew jî bombebarankirinên asmanî û Bermîlên Teqîner in, bi hewldana ko Şoreşê vemirîne.”
Herweha jêderine diplomasî tekez kirin ko: “ Birêvebiriya Emerîkî digel Hevbeşên xwe yên Herêmî û Ewropî hizra cudakirina Herêmeke qedexekirina asmanî ne tekûz li Sûriyê di nav lîsteya şêweyên danûstandinê bi mijara Rêkxistina “ Dewleta Iraq û Şam” de ye.
Jêder: Hevbendî
