Şandeyek ji Hevbendiya Niştimanî Sûrî bi serokatiya Xalid Xoca serokê Hevbendiyê digel Nûnerên Hêzên Şoreşger û yên leşkerî û nûnerin ji Encûmenên xwecihî yên hatine hilbijartin roja Şemiya derbasbûyî li Istanbulê civiyan.
Kesên civiyayî mijarên Şoreşa Sûriyê ji hêla siyasî, leşkerî û hawarhatinê gotûbêj kirin. Hem jî li ser serkeftinên hemû aniyan ji Bakur heta bi Başûr axivîn.
Civîn ji nûnerên Ceyş Elislam, Ithad Islamî yên Ecnad Elşam, Feyleq Elşam, Ketayibên Şoreşgerên Şamê, Feyleq Hums, Ceyş Yermûk, Cebhet Ensar Elislam, Ceyş Ebabîl, Tecemu’h Festeqim Kema Umirt, Firqeya 24 Muşat, Lîwayên Elhebîb Mustefa, Firqa 96an, Encûmena Elqeda Elhur, Encûmena Parêzgeha Idlib, Encûmena Parêzgeha Helebê, Encûmena Parêzgeha Gundewarê Şamê, Encûmena Parêzgeha Hemayê, Tecemu’h Cind Bedir Lîwayên 313, Firqa Amûd Horan, Lîwayê Mu’itez Billah, Encûmena Parêzgeha Hums, Feyleqa Yekem, Lîwayê Tewhîd Ketayibên Başûr, Lîwayê Fursan Elheq û Firqa 111an , pêk hat.
Kesên civiyayî rêz û silav ji Şervanan re şandin, ew Şervanên ko sûrbûna miletê Sûriyê ji bo rûxandina Rêjîmê bi hemû simbolên xwe ve derbirrîn dikin, da rê li ber avakirina Rêjîmeke nû ko miletê Sûrî tê de xwedî biryar û dîtin be.
Kesên civyayî tekez kirin ko çi qas Tehran û Mosko piştgiriya Rêjîmê bikin ew dê nikaribin Rêjîmê rizgar bikin. Çimkî rewşa dezgehên wî û jihevketina alava wî ya leşkerî û têkçûna rewşa abûrî hiştiye ko ew bibe hêsîr di destê biryara derve de û hem bindestiya viyana Çeteyên Îranî û Iraqî û Çeteyên Hizbullah û Çeteyên ko ew ji derve anîne.
Di seqaya lihevkereke giştî de, kesên civiyayî derbarê pêvajoyên bûyeran û çareseriyên wan li ser pênc xalan li hev kirin, a yekem ko tu çareserî nîn e pêvî ko rêjîm bête rûxandin bi hemû dezgehên ewlekariya wî û tu rola rêjîmê di qonaxa veguhêz de û hem di Sûriya paşerojê de jî tune be.
Li ser pêkanîna bilindtrîn asta lihevkirin û hevrêziyê di navbera Hêzên Şoreşê û Opozisyona siyasî û leşkerî de li hev kirin. Û parastina serbixwebûna biryara niştimanî û berdewamî di hevrêzî û hevkariyê bi hevpeymanên Şoreşê û hevalên wê re hebe.
Civîngeran xelkên Sûriyê ji hemû pêkhatiyan vexwendî tevlêbûna Şoreşê kirin.
Da di rûyê hemû planan de ji kuştin û wêraniyê heta bi planên parçekirina welat rawestin.
Civîngeran tekez kirin ko yekbûna xwîna xelkên Sûriyê ferz dike ko ji kêşya Sûrî re çareserî tekûz û giştî be.
Her wiha li ser damezirandina komîtekê ji bo şopandina hevrêzî û karûbarên hevbeş û pêşinyarkirina çareseriyan ji kêşeyên ku nehatibûn çareserkirin re li hev kirin.
Jêder: Hevbendî