Hevbendiya Niştimanî ya Sûrî redkirin û nerazîbûna xwe ji biryara vegerandina rijêma tawankar bo nav Komkara Erebî re anî ziman, û tekez kir ku ev biryar tê wateya destberdana ji piştgiriya gelê Sûriyê û daxwazên wî yên rewa, û ev yek windakirin e ji qurbaniyên wî yên mezin re, yên di 12 salên şoreşa li dijî zordarî û teror û stemkariyê de dane, û ev biryar alîgiriyeke eşkere ji berjewendiyên tawankaran re ye.
Û Hevbendiya Niştimanî di daxwiyaniyeke xwe de got ku xurtkirina deshilata rijêma Esed û Îranê li Sûriyê, tê wateya berdewamiya derdeseriyên mirovî yên bi milyonên Sûriyan, û dihêle bêhtir hovîtî, teror û rijandina xwînê ji aliyê riêmê û hevalbendên wê ve dijî gelê Sûriyê yê ku ji bo azadiya xwe ji sala 2011an ve xebatê dike berdewam bike, ew gelê ku di salên bûrî de bûye qurban ji tawankarî û hovîtiya rijêmê û hevalbendên wê re.
Û Hevbendiya Niştimanî amaje bi wê yekê kir ku rijêma Esed guh nedaye daxwazên Ereban ên ji bo rawestandina kuştin, girtin û hinartina keresteyên hişbir, û bi awayekî cidî pêre danûstandin nekir, û ew piştgirek bingehîn e ji pirojeya berfirehkirina melayan li devera Erebî re, lewra girêdana hêviyan bi guherîna riftarên tawankarê cengê Beşar Esed, windakirina demê ye, û nayê pejrandin ku ew ji tawanên cengê yên ku li dijî Sûriyan pêk anîne, rizgar bibe.
Û daxwiyaniya Hevbendiya Niştimanî bal kişand ser ku îro piştgiriya fermî ya Ereban ji gelê Sûriyê yê gewre re nema, piştî ku Komkara Erebî biryar da ku rijêma tawankar vegere nav wê, û Hevbendiya Niştimanî bi bîr anî ku rêbaza Şanderê Navdewletî ya bi navê “Gav bi Gavê” xizmeta rijêmê kir, û îro Komkara Erebî rijêmê vejîn dike û wê vedigerîne nav Komkarê.
Û Hevbendiya Niştimanî tekezî li ser pêwîstiya veguhestina siyasî ya tam li Sûriyê li gor biryara navdewletî 2254 kir, û radestkirina Esed û tawankarên rijêma wî bo dadpirsîn û dadgehkirinê, û cext kir ku her destpêşxeriyek li derveyî çarçoveya biryara navdewletî, zîvirîn e li daxwazên gelê Sûriyê, û alîgirî ye ji rijêma Esed ya tawankar re, û wek xweradestkirinê ye ji rijêmê û hevalbendên wê re.
Û Hevbendiya Niştimanî careka dî neguhêriya xoragiriya gelê Sûriyê û mana xwe li ser pirensîp û daxwazên rewa û berdewamiya di şoreşê de heta gihiştina Sûriyeke nû, Sûriya azadî, rûmet, demokratî û serxwebûnê tekez kir, û baweriya xwe bi tevaya gelê ereb yê ku rojekê jî dest ji piştevaniya gelê Sûriyê di şoreşê de bernedaye, û herdem li kêleka wî gelî bû di xebata wî ya ji bo azadî û rûmetê de, ya ku ji 12 salan de dest pê kiriye, û bi saya xwedê dê ta serkeftinê têkoşîna xwe bidomîne, anî ziman.
Jêder: Ofîsa Ragihandinê ya Hevbendiya Niştimanî ya Sûrî
