Hevbendiya Niştimanî ya Sûrî tekez kir ku Armanckirina gundewarê Idlibê bi awayekî berdewam ji hêla hêzên Esed ve û kuştina deh sivîlan ji karkerên berhevkirina berhemên çandiniyê û zarokên wan, tawaneke hovane ye, hewcedarî helwesteke navdewletî ya vebir e, ji bo xurtkirina rêyên dadpirsîn û sizadana vê rijêmê, li ser tawanên berdewam ên ku dermafê gelê Sûriyê pêk tîne.
Û Hevbendiya Niştimanî di daxwiyaniyeke xwe de derbarê bombebarankirina gundê Qûqîn li gundewarê Idlibê ji aliyê hêzên rijêmê ve û armanckirina malbatekê ku karê berhevkirina zeytûnan dikir û di encamê de 10 welatiyên sivîl şehîd ketin, zarok û jin di nav wan de hene, ji dewletên garantoriya pêvajoya Astanayê kir ku pabend bin bi têgihîştin û protokolên ku di navbera wan de hatine îmzekirin derbarê agirbestê. Û rê li ber her kiryarên dijminane yên ku sivîlan û navendên giştî armanc dikin bigrin.
Û Hevbendiya Niştimanî di daxwiyaniya xwe de bal kişand ser ku rijêma Esed heman rêbaza tawankar ya ku ji sala 2011an ve bi zelalî diyar kiriye dişopîne, guh nade yasa û pîvanên navdewletî yên ku jiyana sivîlan garantî dikin, an armanckirina rasterast dermafê sivîlan qedexe dikin, çimkê rijêm ji sistbûna navdewletî her wiha ji nestandina çi rêşûnên rêgir û nebûna vîna navdewletî ji bo kartêkerkirina mîkanîzmayên yasayî di warê dadpirsîn û sizayê de, yên ku dihêlin rijêm di tawanên hovane de dermafê bêgunehên Sûrî berdewam bike, sûdê dibîne.
Û Hevbendiya Niştimanî ji Encûmena Ewlekariyê xwest ku tawana cengê ya ku ji aliyê rijêma Esed ve pêk hatiye şermezar bike û daxwaza tevgereke kartêker bi rêyên curbecur û mîkanîzmayên yasayî û siyasî ji bo rawestandina tawanên rijêma Esed û hevalbendên wê kir, li gel karê cidî ji bo dadpirsîna wan û zêdetir sizayên navdewletî li ser vê rijêmê bisepîne û mîkanîzmeke rasteqîn bo dadpirsînê bibîne.
Û daxwiyaniya Hevbendiya Niştimamnî tekez kir ku ne pêkan e ku ewlehî, aramî û aşitiya berdewam pêk were, ji bilî dîtina mîkanîzmeke neçarkrinê bo cîbicîkirina biryara Encûmena Ewlekariyê ya hejmar 2254 (2015), û pêkanîna daxwazên gelê Sûriyê yên rewa û mafên wan di jiyaneke ewle û rûmetdar de, di dewleteke ku azadî û dadmendî û demoqrasî tê de parastî bin.
Jêder: Ofîsa Ragihandinê ya Hevbendiya Niştimanî ya Sûrî
