Hevbendiya Niştimanî ya Sûrî belgeyên ji Sûriyê hatine revandin û li gor wan belgeyan tête çespandin ku rijêma Esed tawanên cengê û jenosîd dermafê girtiyan di yek ji nexwaşxaneyên bajarê Humsê de pêk anîne eşkere kir.
Ev raghandin di kongirekî rojnemevanî yê Serokê Hevbendiya Niştimanî D. Nesir Elherîrî de hat, û têde diyar kir ku belgeyên fermî û ji aliyê rijêma Esed ve morkirî ne bi dest wan ketine, ew belge eşkere dikin ku rijêma Esed tevlî kuştina 5210 kesan di nexwaşxaneya Ebdilqadir Elşiqfê li devera taxa Elweir li Humsê de bûye.
Û Elherîrî bal kişand ser ku kesê ew belge ji nexwaşxaneya Ebdilqadir Elşiqfê bideranîne niha li deverên rizgarkirî dijî, û nasnameya xwe eşkere nekiriye daku jiyana xwe biparêze.
Û Elherîrî got ku belgeyên ku ji Sûriyê hatine der vedigerin salên 2012-2013-2014an, û got ku qurbanî di gorên komel de li goristana Til Elnesir li bajarê Humsê hatine veşartin, bêyî ku rijêm tu agahiyan bide xwediyên wan kuştiyan an termên wan radestî xwediyên wan bike.
Û Elherîrî tekez kir ku tevaya belgeyên ji Sûriyê hatine revandin fermî ne, û ji aliyê rijêma Esed ve derketine, û bi mohra bizîşkiya şer’hî û rêvebiriya nexwaşxaneya Ebdilqadir Elşiqfê û bi fermanên amûrên ewlekar yên rijêma Esed hatine mohirkirin.
Û Elherîrî bal kişand ser ku Hevbendiya Niştimanî dê li gel Netewên Yekbûyî û Emrîka û Yekîtiya Ewropa û Birîrtaniya û Encûmena Mafên Mirovan û Saziyên Navdewletî bicive, daku mîkanîzmên pirosesa sizakirina rijêma Esed li ser tawanên pêk anîne kartêker bike, û doseya tawanên rijêma Esed veguhêze Dadgeha Tawanên Navdewletî.
Jêder: Ofîsa Ragihandinê ya Hevbendiya Niştimanî ya Sûrî
