Hevbendiya Niştimanî ya Sûrî amaje bi wê yekê kir ku biryara dirêjkirina alîkariyên mirovî di riya sînorê Sûriyê re daku alîkarî bighêjin bimilyonan Sûrî, dê bihêlin êş û azarên wan ên mirovî sivik bibin. Û hişyarî da derbarê pêwîstiya ku ev alîkarî bi awayekî berdewam bigihêjin hewcedaran dûrî rijêma Esed û milîsên wê.
Û Hevbendiya Niştimanî di daxwiyaniyeke xwe de îro tekezî li ser berpirsiyariya civaka navdewletî û Netewên Yekbûyî di ber pêwîstiya bêalîkirina dosya mirovî û dûrxistina wê ji bikaranînên siyasî yên ku Rusya bi awayekî berdewam pê radibe kir, ji ber ku Rusiya wê ji pirseke mirovî dike kaxtetke siyasî di danûstandinan de, û bi keysebazî hêza xwe ya VETO jê re bikar tîne.
Û Hevbendiya Niştimanî di daxwiyaniya xwe de hişyara da ku alîkariyên Netewên Yekbûyî yên ku digihêjin rijêma Esed ji bo berjewendiyên hêzên wê yên ku xelkê Sûriyê dikujin tên bikaranîn, û ev yek bi belge û wêneyan hatiye çespandin.
Û daxwiyaniya Hevbendiya Niştimanî got ku Lêgerîna mîkanîzmayeke nû ji bo misogerkirina hatina berdewam a alîkariyan ji gelê Sûriyê re, dê bihêle xelk xwe li hember şert û mercên dijwar yên ku ji ber terora rijêma Esed û milîsên wê têre derbas dibin rawestin, û ew mîkanîzma bûye pêwîstiyek, daku nehêlin ev alîkarî bighêjin milîsên şerkar yên ku piştgiriya rijêma Esed dikin.
Û Hevbendiya Niştimanî hişyarî da ku dosya Sûriyê dosyayeke siyasî ye, û daxwazê dike ku giringî bo vê çarçoveyê bête den, ji ber ku ne pêkan e ku bobelat bi berdewamiya alîkariyan tenê were bidawîkirin, bêyî ku bizav bên kirin di warê pêkanîna veguheztina siyasî li gorî biryara 2254, yaku daxwazên gelê Sûriyê û avakirina Sûriyeke nû dûrî rijêma Esed a ku sedema sereke ya vê tirajîdiyê ye pêk tîne.
Jêder: Ofîsa Ragihandinê ya Hevbendiya Niştimanî ya Sûrî