Hevbendiya Niştimanî ya Hêzên Şoreş û Rikberiya Sûrî, bêkêriya civaka navdewletî derbarê parastina sivîlên Idlibê yên ku li ser destê rijêma Esed û sponserên wê rastî tewanên cengê tên tevî hebûna rêkeftina agirbestê şermezar kir, û daxwaza parastin û nehêlana armanckirin û koçberkirina wan kir.
Û doh herî kêm, Rûsiya û rijêmê 2 konkujî bi êrîşên asîmanî li ser deverên sivîlan pêk anîn, û hin çalakvanan tekez kir ku hejmarên destpêkî hebûna bidehên qurbaniyan diyar dikin, û jin û zarok jî di nav wan de hene.
Û Hevbendiya Niştimanî, îro, di daxwiyeke xwe de tekez kir ku “Idlib îro tê serjêkirin”, û her weha got ku ev tewan ne tenê bi tewankariya Rûsiya û rijêm û Îranê bitenê dibe, lê ji ber bêkêriya cîhana azad ya ku nikare tevgereke erênî bike, û zarok û jinan biparêze, an jî bihêle xelk çekin coreyî yên karibin komlkujî û tewankaran rawestînin bikar bînin.
Û tekez kir ku gurkirina Rûsên dagîrker û rijêmê û milîsên îranî ne tenê hin binpêkirinên biçûk in, lê ew karekî tewankarî yê rêbazkirî ye, û anî ziman ku ev agirbest bûne alaveke ji alavên cengê yên ji bo pirkirina êrîşên li pey wan agirbestan û xweamadekirina ji cengê re.
Û tekez kir ku ev êrîşên gurkirinê wek hercarê sivîlan arman dikin, û diyar kir ku ev bombebarana dawî dijî bazara Hal û devera çaksazî li bajarê Idlibê û bazara sereke ya bajarê Erîha û taxên nişteciyan û hejmarek ji bajarok û gundên başûr û rojhilatî Idlibê pêk hatin.
Jêder: Ofîsa Ragihandinê ya Hevbendiya Niştimanî ya Sûrî