Hevbendiya Niştimanî ya hêzên şoreş û rikberiya Sûriyê di daxuyaniyekê de, êrîş û tawanên balafirên hêzên Rûsyayê û hêzên rejîmê û milîsên Îranê li ser kampa koçberan li gundê “Qah” li bakurê Idlibê û bajarê “Me’eret al-Ni’hman” li başûrê Idlibê şermezar kir.
Hevbendiya Niştimanî got ku berdewamiya civaka navdewletî di siyaseta çavgirtinê ji tawanan û bêdengiya li dijî wan piştgiriya çareseriya siyasî nake, lê rê li ber berdewamkirina kuştinê vedike, û dê rêjîm siyaseta komkujî û koçkirinê berdewam bike tako amancên xwe bicih bîne.
Hevbendiya Niştimanî da zanîn ku ev komkujî û tawanên wekî gurkirineke mezin û metirsîdar tên bi sûdwergirtin ji helwesta navdewletî ya lawaz, û serederiya xemsarî li hember rijandina xwîna sivîlan ya bi destê rêjîmê û Rûsya û Îranê.
Hevbendiya Niştimanî tekez kir ku ev komkujiyên mezin tên di çarçoveya êrîşa rêjîmê û hevalbendên wê de li ser herêmê bi binpêkirina peyman û biryarên navdewletî û peymanên Cinêv yên bo parastina sivîlan.
Hevbendiya Niştimanî daxwaz ji civaka navdewletî kir ku rê li ber rêjîmê û milîtanên li gel şer dikin bigire, û rawestandina tawan û komkujiyan dabîn bike, û bihêle rewş guncaw bibe û çareseriya siyasî biser bikeve, li gora biryara 2254, ya mafê miletê Sûrî lê vedigerîne.
Herwiha ku rêjîmê û milîtanên Îranî kampa derbideran li nêzîk bajarokê Qah bi mûşekên bi bombeyên goşeyî barkirî amanc kirin, di encamê de 37 kes piraniya wan zarok û jin in şehîd ketin, hem bi dehan birîndar bûn, hevdem ku bombebarana firokên Rûsî li ser Me’ret al-Ni’hman komkujiyek çêkiriye, di encamê de şeş sivîlên jin û zarok şehîd ketine. Jêder: Ofîsa Ragihandina Hevbendiya Niştimani ya Sûrî