Serokê Hevbendiya Niştimanî ya Sûrî, D. Nesir Elherîrî, hejmarek ji nameyan arasteyî Wezîrê Navxwe û Şaredariyan yên Libnanî Mihemed Fihmî û Wezîra Dadê ya Libnanî Marî Kilod Nicim û Wezîrê Tenduristiyê Hemed Hesen kir, derbarê rewşa girtiyên Sûrî di zîndana Romyê de di dema belavbûna vîrosa korona di girtîgehê de.
Û Elherîrî eşkere kir ku hejmara pêketiyên vîrosa korona di nav girtiyên Sûrî di zîndana Romiyê û zîndanên din yên Libnanî de berve zêdebûnê ye, û bal kişand ku agahyin hene qala binpêkirinên yasaya navdewletî û libnanî dermafê girtian dikin.
Û bal kişand ku di dema lewazbûna rêşûnên cihêkirin û dermankirin û xwarin û dermankirinê di girtîgehên Libnanê de, metirsî li ser tevaya girtiyan zêde dibe, û tekez kir ku zîndan bi gelemperî ne amade ne, û Libnanê bi rengekî taybet di rûbirûbûna vîrosa korona de ne amade ye, û hişyarî da ji metirsiya ku vîros ji zîndanan di riya karmendên di zîndanê de dixebitin bighêje civaka Libnanî.
Û Hevbendiya Niştimanî wek nûnerê rewa yê gelê Sûrî û ji bo rizgarkirina pêketiyam û yên bi wan re têkildar di zîndanan de, daxwaza desttêwerdana lezgîn û yekser kir, daku girtiyan ji zîndana Romyê û zîndanên din rizgar bikin, û Rêkarên tenduristî û yasayî yên tên xwestn bikarbînin.
Û daxwaza piştgiriya derxistina lêborîneke giştî dermafê girtiyên Sûrî li Libnanê li gorî rewşa wan ya taybet li gel temînîyên saziyên mafnasî û mirovahî kir.
Jêder: Ofîsa Ragihandinê ya Hevbendiya Niştimanî ya Sûrî
