Sikirtêrê giştî yê berê yê Hevbendiya Niştimanî Nesir Elherîrî bigermî pêşwazî li helwesta heryek ji Si’ûdiyê û Amerîka kir derbarî tekeziya wan li ser çûna Esed û rêjîma wî, û destxweşî ” li helwesta rijd ya Eribistana Si’ûdiyê kir ji bona Sûriyek nû bê Esed ku bitenê cihê Esed û desteka wî di rûpeleka reş de be, ku Sûriyan di werçerxanek dîrokî de biryara şoreşê li ser da ku biyekcarî xwe jê rizgar bikin.
Ku di hevdîtina seran de ya di navbera şahê Si’ûdiyê şah Selman kurê Ebduezîz û serokê Amerîka Barak Obama de tekezî hatibû kirin li ser girîngiya pêkanîna çareseriyek hemîşeyî di Sûriya de ku têde guhertinek siyasî rasteqîn û herwiha karxistina Bişar Esed bête misogerkirin.
Herwiha têde cext hatibû kirin ku pêwîst e çareseriya siyasî li ser piransîpên daxuyaniya Jinêv 1 be, bo bidawîkirina derdeseriya xelkê Sûriyê û ji bona parastiya xak û yekparçiya welat, herwiha ku Sûriya dewletek aştîxwaz be bi nûnerayetiya hemû pêkhateyên Civaka Sûriyê bêcudahî.
Hevdem di dema gotubêjên Şah Selman û Obama de li Waşintonê, wezîrê derve yê Si’ûdiyê got: ku ne cih û nejî rola Esed wê nemîne di Sûriya de, hevdem amaje kir ku Esed berpirs e di ber kuştin û koçkirina xelkê Sûriyê de û herwihe ew berpirs e di ber peydabûba DAÎŞ de.
Hêjaye ku Elherîrî cext li ser wê yekê kir ku “şoreşek bi qebarê Şoreşa Sûriyê û bi hindehiya qurbanî û bi hejmara şehîdên wê astem û xiyal e ku razî bibe li ser mana rêjîma Esed ya tawankar, yanjî razî be li ser dubare berhemhêna wê her li jêr çi navî be, ku Em pabendin bi daxuyaniya Jinêv wek mêkanizim bo çareseriya Siyasî”.
Elherîrî dazanîn ku “Sûriya nû ji nêzîkî pênc salan ve destpê kiriye her ji dema derketina yekemîn diruşim û silogana azadiyê, ku ji wê demê ve rola Esed û desteka wî di desthilatê de bidawî hat û bitenê bûn bandeke kuştin û terorê, ku xwe rizgarkirin ji vê destekê veger nîne û herwiha milet jî gotina xwe gotî ye û çarenivîsê xwe jî helbijartî ye ku êdî veger jê nîne”.
Hêjayî gotinê ku cêgirê serokê Hevbendiyê Mistefa Oso tekez kiribû ku “axaftinên derbarê hewlên bişiyandana Bişar yanjî ku ew bibe beşek ji oparisyonên dijî terorê bi tenê ew xiyal û xapandine, û dîsa got ku helwestên dewletên dost yên gelê Sûriyê “hemû goman qutkirin ku êdî hîç cihê Bişar nîne ne di Sûriya nû û nejî di qonaxa veguhêz de, û hemû hewlên Îranê têkşikandin yên ji bona bikaranîna Esed wek kaxezek koldanê di danustandinan de ji bona bidestxistina destkeftên herêmî.
Jêder:Hevbendî
