Hevbendiya Niştimanî ya Sûrî, tekez kir ku ji ber ku civaka navdewletî xwe spartibû şermezarkirinan, rê da rijêma Esed ku komkujiya Elholê ya parêzgeha Humsê di sala 2012 pêk bîne, yaku li Sûriyê yek ji pîstirîn komkujiyên rijêma Esed û milîsên wê dermafê sivîlan bû, û li gorî belgeyên saziyên mafnasî yên navdewletî 108 kes têde hatin kuştin.
Û Hevbendiya Niştimanî, îro, di daxwiyaniyekê de bi boneya salvegera dehemîn ya komkujiya Elholê ya di rojeke weke îro de pêk hatibû, got ku teroristên rijêma tawanbar û milîsên wê êrîşî malên sivîlên ewle kirin, û zarok û jin û mêr civandin, û destên wan girêdan, û tev bi gule û kêran kuştin, wek bersiva banga azadiyê yaku gelê Sûriyê dengê xwe pê bilind kiriye.
Û Hevbendiya Niştimanî bal kişand ser ku ji ber bêdengiya navdewletî di wê demê de, rijêma tawankar, piştî deh salan li ser wê komelkujiyê, hîn di pêkanîna komkujiyan de dermafê sivîlan berdewam e, bêyî bersiveke navdewletî yaku jiyana bi melyonên Sûriyan ji hovîtiya vê rijêmê rizgar bike hebe.
Û Hevbendiya Niştimanî got ku vê rijêmê ji roja yekemîn ya şoreşa Sûriyê de xwe sparte kuştin û terorê, daku dengê azadiya ku gelê Sûriyê pê bang kiriye vemrîne, lewra komkujiya Elholê û komkujiya Taxa Eltedamun û komkujiyên bi çekên kîmawî û bi hezaran komkujiyên hovane yên hêzên rijêma tawankar pêk anîn, daku vîna gelê Sûriyê serkut bike.
Û Hevbendiya Niştimanî cext kir ku rizgarbûna rijêmê û hevalbendên wê ji sizayên derbarê tawanan, ew han dan li ser pêkanîna tawanên nû weku Rûsiya îro li Okranya dike, û hişt ku hîn zêde kuştin û serkutkirinê bikin, û têde çi çekê hebe wek bermîlên teqîner û mûşek û keresteyên kîmawî bikar bînin, û tevaya xêzên sor dijî gelê bêçek derbas bikin, ew jî bû sedema afrandina derdeseriya mirovahî ji bimelyonên Sûriyan re, di dema ku tawanbarê cengê li ser termên qurbaniyên bêguneh dimîne.
Û Hevbendiya Niştimanî bal kişand ser ku bêdengiya navdewletî yaku gelê Sûriyê rastiyê hatiyê, gelê Sûriyê ji xweragirî û rûbirûbûna ketwarê tal li gorî derfetên berdest paşde neda, bi hêviya ku bighê xewna azadî û rûmet û jiyana ewle.
û Hevbendiya Niştimanî ya Sûrî tekez kir ku Netewên Yekbûyî di berdewamiya derdeseriyên sûriyan de bi sedema bêkêriyê di sizakirina vê rijêmê derbarê tawanên cengê û tawanên dijî mirovahiyê yên ku pêk tîne û berepêkdana cîbicîkirina biryara Encumenên Ewlekariyê 2254 bo pêkanîna veguhastina siyasî li Sûriyê berpisyar e.
Hevbendiya Niştimanî ya Hêzên Şoreş û Rikberiya Sûrî