Emîndarê Giştî yê Hevbendiya Niştimanî ya Sûrî Heysem Rehmê, dijminkariya Rûsiya li ser xaka Okraniya û serweriya wê û piştgiriya Rûsiya ji cudabûna herdû deverên Dontsêk û Logansik li rojhilatê Okraniya û derxistina fermanan daku artêşa Rûsiya derbasî wan deveran bibe şermezar kir.
Û Rehmê hişyarî da ji bijardeyên Botîn yên ku di her devera ku êrêş wê dike de eşkere bûne, ji ber ku ew an xelkê koçber dike û destê xwe datîne ser samanên wî welatî, yan jî wî welatî di riya avakirina kantonan re perçe dike, û di pey re mersûmên yekalî derdixe û danpêdanê bi wan beşan wek komarên gelêrî dike.
Û Rehmê tekezî li ser pêwîstiya helwesteke vebir bo vê zordariya navdewletî kir, yaku serweriya dewletê û aramiya wê armanc dike, û gefê li ewlehî û aştiya navdewletî dike.
Û Emîndarê giştî tirsa rasteqîn ya gelê Sûrî ji niyeta Botîn derbarê Sûriyê û yekîtiya xaka wê anî ziman, nemaze ku ji deh salan de rijêma Sûriyê ya tawanbar rêkeftinên serçimandinê bo Rûsiya pêşkêş dike, û samanên welêt û perav û xaka wî bo hêzên dagîrkerê Rûsî dike wek rehîne û girawê.
Jêder: Ofîsa Ragihandinê ya Hevbendiya Niştimanî ya Sûrî