Hevbendiya Niştimanî ya hêzên şoreşvû rikberiya Sûriyê tekez kir ku Desteya Bilind ew bitenê ya erkdare û ji mafê wê ye şanda danustandinan ya opoziyonê destnîşan bike, û piroseya danustandinê bişopîne , ligor encamên kongirê Riyad yê çileyê pêşiyê 2015 an, ya ku têde sînor û binyat hatin destnîşankirin bi riya gelê Sûriyê û hêzên wî yên siyasî û şoreşgerî.
Îro Hevbendiyê di daxuyaniyekê de got ku “Hevbendî wek nûnerê rewa yê gelê Sûriyê tekeziyê li ser mafê oposizyonê di destnîşankirina şanda xwe ya danustandinê bi rêka Desteya Bilind Ya Danustandinan dike, û bi nîgeraniyek mezin li hewlên hikumeta Rûsiyê dinere, yên derbarê lîstikên wê bi mijara nûnertiya gelê Sûriyê û nûnertiya opozisyinê”.
Hevbendiyê bal kişand ku ew bizavên dibin ji bo cêbicêkirina agirbesta gişgîr li Sûriyê dişopîne, li gor pabendiya bi biryara encûmena asayîsê hejmar 2254 (2015) û navreoka biryara 2336 sala (2016) û daxwaza lidarxistina civîna Asîtana ya derbarê destpêkirina piroseya siyasî.
Di daxuyaniyê de Hevbendî cext kir li ser giringiya cêbecêkirina rawestandina sercem kiryarên leşkerî û yên dijiminkarî bi yekcarî û li seraserî Sûriyê dike, û hewlên rijêma Esed û Îranê û milîsên terorîst yên berdewam li ser binpêkirinan û tawanên şer, nemaze yên li navçeya Wadî Bereda şermezar dike, û ji encûmena asayîşê û ji aliyên gerantîkar daxwaza rawestandina êrîşan û şermezarkirina binpêkirinan û encamderên wan dike.
Û Hevbendî encûmena asayîşê han da li ser lixwegirtina biryarekê ji bo derxistina bilez ji sercem milîsên biyanî ji Sûriyê, û neçarkirina hemî aliyan ku piştgirî û sîwana siyasî û yasayî ji ser wan milîsan rakin.
Û Hevbendiyê tekezî kir li ser piroseya Siyasî li Sûriyê li gor naveroka biryara encûmena asayîşê hejmar 2336 (2016) ya ligor daxuyaniya Jinêv (2012) û biryarên 2118 (2013) û 2254 (2015) û 2268 (2016), û dibîne ku pêwîst e bizavên dibin ji bo hevdîtina Asîtana, ji cêbicêkirina biryarên Encûmena Asayişê yên taybet bi rewşa Sûriyê dest pê bikin, û li ser encamên danustandinên Jinêv (2014) û (2016), û li ser pabendbûna bi peydakirina seqayekî guncayî bo serxistina danustandinan ava bibin, ku têde rawestandina sercem karên dijminkariyê û rakirina dorpêçkirinê û derbaskirina alîkariyan û serbestberdana girtiyan û diyarkirina çarenivîsa bêserûşûnan misoger bibin.
Jêder: Hevbendiya Niştimanî Ya Hêzên Şoreş Û Rikberiya Sûriyê