Hevbendiya Niştimanî ya hêzên şoreş û rikberiya Sûriyê duh di daxuyaniyekê de ragihand ku êrîşên terorîstî ji hêla rêjîmê û hevalbendên wê ve li ser gundewarên Idlib, Heleb û Latikyê ketiye qonaxek nû ya tawanên qirkirin û wêrankirinê, û pêdivî bi rengek bilez û aktiv ji navbeynkariyeke navdewletî heye.
Hevbendiya Niştimanî, bang li Encûmena Ewlekariyê kir ku civîneke awarte lidar bixe da pêşkeftinên heyî li berçav bigire û gavên pêwîst bavêje ji bo rawestandina êrîş û gulebarana sîstematîk li ser taxên niştecîyan li wan deveran, û her tiştî bike ji bo parastina sivîlan.
Hevbendiya Niştimani got ku ji erkên civaka navdewletî ye, bi berpirsiyariya xwe rabe bi riya saziyên xwe yên fermî, li ser tiştên diqewimin, bi taybetî derbarê rawestandina tawanên şer û darizandina tawanbaran.
Hevbendî careke din teqez kir ku êrîşên rêjîmê û hevalbendên wê li ser deverên sivîl li hundur û derdorê Idlib dibin, tawanên şer ên pilankirî ne, ku li radeya yekem bi armanca kuştin û koçberkirina sivîlan ne.
Hevbendiyê bal kişand ku ew têkiliyan bi şander û nûnerên aliyên navdewletî re dike, û me giringiya rabûna dewletên bi bandor bi rola xwe ji bo pêkanîna fişarên rastîn û bilez û standina rêşûnên pratîk ji bo rawestandina kampanya niha diyar kiriye.
Di çend rojên borî de, bajar, gund û bajarokên deverê hatin topbarankirin, di nav de taxên niştecî, navendên parastina sivîl, dibistan û nexweşxane hatin topbarankirin, û bû sedema wêranîyên berfireh, û ketina bi dehên şehîd û birîndaran.
Jêder: Ofisa Ragihandina Hevbendiya Niştimani ya Sûrî
