Hevbendiya Niştimanî ya Hêzên Şoreşê û Rikberiya Sûriyê, hişyarî da derbarê hewldanên Rêjîmê û milîtanên Îranê piştgiriya wan dike, ku operasiyonên koçkirineke kotekî ya nû di derheqê niştecihan de li Xûta rojhilat pêk bînin, û dibîne ko operasiyonên rêjîmê beşek in ji karê wê yê rêbazkirî ji destpêka şoreşê de û amanc jê guherîna dîmugrafî ye.
Hevbendiya Niştimanî di daxuyaniyekê de diyar kir ko milîtanên Beşar dîsa êrîş dane ser çend herêman li Xûta rojhilat, wek binpêkirineke nû ji agirbestê re û bêtir got ku“ van binpêkirinan li pêşberî aliyên dabînker datîne û daxwazê ji wan dike ko jidilbûn û rastiya xwe bo piştgiriya peymanê û parastina wê diyar bikin.”
Her weha Hevbendiyê tekez kir ko giring e Encûmena Ewlekariyê fişarê bide ser aliyên piştgiriya rêjîmê û hevalbendên wê dikin û wan mecbûr bikin ku bi biryarê pabend bin.
Hevbendiya Niştimanî di daxuyaniya xwe de got em “hişyariyê didin ji buhûrandina operasiyona koçkirineke din li herêmê û berdana sivîlan ji malên wan bi behaniyên vala, û Hevbendiyê tekez kir ko ev awa ji tawan û binpêkirinên ku Beşar dike, planên siyaseta guhertina dîmugrafî ne, yên ko Rêjîm dike, tev ko ew tawanên lidijî mirovantiyê ne jî.”
Hevbendiya Niştimanî daxwaz kir ko alava çavdêriya agirbestê kartêker bibe, û raportên fermî derxînin û tê de aliyên berpirsiyar di ber binpêkirinan de aşkere bikin, û wan bi rêzgirtina peymanê pabend bikin, û kiryarên bi sedema binpêkirinan pêktên diyar bikin.
Hevbendiya Niştimanî dîsa daxwaz ji Encûmena Ewlekariyê kir ko biryarekê li jêr benda heftan derxîne, ji bo rawestandina operasiyonên dijminkarî û agirbestê û amanckirina sivîlan, û giringiya dorpêç bête rakirin û operasiyonên koçkirina kotekî bêne rawestandin, û derketina hêzên dagîrker û milîtanên mezhebî yên tirorist ji Sûriyê dabîn bike, û alîkariya gihaştina çareserkirineke siyasî bike, ko mafên miletê Sûrî yê tekûz û amancên wî di azadî û daddarî û rûmetê de misoger bike.
Jêder: Nivîsgeha Ragihandinê ya Hevbendiya Niştimanî
