Hevbendiya Niştimanî ya hêzên şoreş û rikberiya Sûriyê, duh êvarî di daxuyaniyekê de da zanîn ku kiryarên rejîmê û sponsorên wê li dijî deverên sivîlan li Idlib û derdora wê tawanên şer yên aşkere ne.
Hevbendiyê tekez kir ku ev tawanan “di çarçoveya pilanek sîstematîk de tên, û di serî de armanckirina sivîlan”, û diyar kir ku Hevbendiya Niştimanî berdewam e li ser danûstendinê bi aliyê navdewletî re ji bo diyarkirina binpêkirin û tawanên li ser erdê yên li dijî sivîlan dibin.
Hevbendiya Niştimanî tekezî li ser pêdivîya ku ew aliyên navdewletî bi berpirsiyariyên xwe rabin kir, û pêwîst e fişarê li ser Rûsya bikin, da ku rejîmê neçar bike van tawanan rawestîne.
Hevbendiya Niştimanî got ku divê bizavek bibe ji bo rawestandina karesata peyda dibe, ji encama kampanya terorîstî ya ku ji hêla rejîmê û sponsorên wê ve her ji çend mehan ve dibe, li dijî gundewarên parêzgehên ldlib, Heleb û Laziqiyê.
Ku bajar, gund û bajarokên gundewarê Idlib, Heleb û Laziqiyê rastî bombebarana balafiran hatin, ji hêla hêzên rêjîmê û Rûsyayê ve, û Hevbendiya Niştimanî got ku êrişek hewayî ji aliyê balafirên şer yên Rûsî ve li ser bajarokê Dêr el-Kabira hat pêkanîn, di encamê de sê zarok şehîd bûn û dayika wan bi giranî birîndar bû.
Jêder: Ofisa Ragihandina Hevbendiya Niştimanî Sûrî
