Serokê Hevbendiya Niştimanî ya Sûrî, D. Nesir Elherîrî, civînek ji dûrve li gel Nûnerê Estonya yê herdem li bal Netewên Yekbûyî balyoz, Sefîr Seven Jergensen, li rexî civatên Giştî yên Netewên Yekbûyî ya gera 75an, lidar xist.
Û di civînê de Hevrêzkarê Ofîsa Têkliyên Derve Ebdulehed Istêfo û Endama Desteya Giştî Dîma Mosa û Nûnera Hevbendiya Niştimanî li cem Netewên Yekbûyî, Meryem Çelebî, amade bûn.
Û amadebûyan pêşhatên rewşa meydanî û siyasî li Sûriyê gengeşe kirin, û Serokê Hevbendiya Niştimanî tekez kir ku rijêm ji ber piştgiriya Rûsî jêre hîn çareya siyasî ret dike, û got ku pêngavin din hene divê Netewên Yekbûyî pê rabe, û tekez kir ku Hevbendiya Niştimanî di hundir Encûmena Ewlekar de xwe dispêre rola Estoniya di piştgiriya doza gelê Sûrî de, daku azadî û rûmetê pêk bîne, ew jî dê alîkar be bo gihîştina çareya siyasî li welêt li gorî biryara 2254.
Û Elherîrî eşkere kir ku pêşdebirin û xurtkirina rêkeftina agirbestê yaku li Sotşî di adara borî de hatiye îmzekirin erkê Netewên Yekbûyî ye, da bibe belgeya agirbesteke temamî li seranserê welêt, û dît ku ew dê pîlanên rijêmê yên çareya leşkerî ya xwîndar gem bike.
Û daxwaza piştgiriya Hikûmeta Sûrî ya Demkî kir, daku karibe xizmetguzariyan ji tevaya welatiyên li deverên rizgarkirî re pêşkêş bike, yên ku bêhtirê wan derbider û koçber in, û tekez kir ku ev doseya pêşinde ye di pilana karê Hevbendiya Niştimanî.
Û cextî li ser pêwîstiya rûbirûbûna metirsiya rêxistinên li welêt hene kir, çi yên li bakur rojhilatê Sûriyê bin, an yên li bakur rojavayê wê bin, her weha karê bi hev re da wan rêxistinan ji holê rakin.
Û tekez kir ku divê Netewên Yekbûyî û Endamên Encûmena Ewlekariyê bi hin pêngavan rabin, daku rewatiya navdewletî ji ser rijêma Elesed rakin, ji ber ku ew berpisyarê yekem e di ber gihandina welêt bo vê astê ye, û cext kir ku Hevbendiya Niştimanî nûnertiya gelê Sûrî û daxwazên wî yên rewa dike.
Û Elherîrî daxwaza kar ji bo standina biryarekê di Civata Giştî ya Netewên Yekbûyî de, di bin bendê “Yekîtî ji bo Aştiyê” de, ji bo şikandina serdestiya Vetoyê Rûsî di Encûmena Ewlekariyê de yaku dibe asteng li pêşiya veguhistina siyasî û cezakirina rijêmê.
Û cextî li ser pêwîstiya guhdana doseya lêpirsîn û cezakirinê û veguhistina doseya tewanên rejîmê bo Dadgeha Tewanên Navdewletî kir, û tekezî li ser giringiya vê pêngava ku Holenda pê rabûye, di riya giliyên dadwerî dijî rijêma Elesed re kir.
Û Endama Desteya Giştî, Dîma Mosa, li ser pirosesa destûrî axivî, û bal kişand ku ti pêşketinên rasteqî di karên Komîteya Destûrî ya Sûrî de tune ne, ew jî tevî karê ku Netewên Yekbûyî û Nûnerê Navdewletî, Gere Pederson, pê rabûye, her weha pêşniyarên erênî yên şandê Desteya Danûstandinê ya Sûrî di Komîteya Destûrî ya Sûrî de pêşkêş kirine.
Û Mosa got ku rijêm ret dike ku bi awayekî rasteqîn tevlî karên Komîteyê bibe, û gengeşeya gewherê pirosesa destûrî ret dkie, û bal kişand ku ew jî nahêle xebatên Komîteyê pêşde herin, û bighên çareya siyasî li Sûriyê li gorî biryara navdewletî 2254.
Û ji aliyê xwe ve Nûnerê Estoniya yê herdem di Netewên Yekbûyî de şermezariya welatê xwe derbarê rewşa li Sûriyê anî ziman, û tekez kir ku tewanên rijêmê nayên veşartin, û bal kişand ku Rûsiya di riya bikaranîna Vetoyê û propaganda ku di nav dewletan de belav dike re ,hewil dide rijêmê biparêze, û nehêle cîhan wê ceza bike,.
Jêder: Ofîsa Ragihandinê ya Hevbendiya Niştimanî ya Sûrî
