Serokê Hevbendiya Niştimanî ya Sûrî Hadî Elbehra, li baregeha Hevbendiya Niştimanî li bajarê Ezazê li gundewarê Helebê, hevdîtinek li gel nûnerên çalakiyên sivîl û siyasî, komele, yekîtî, sendîka, akademîsyan û koçberan li dar xist.
Û di hevdîtinê de Serokê Desteya Danustandinê ya Sûrî Bedir Cemûs û Serokê Hikûmeta Sûrî ya Demkî Ebdulrihman Mustefa, û hejmarek ji endamên Hevbendiya Niştimanî û wezîrê Berevaniyê di Hikûmeta Sûrî ya Demkî de Emîd Huseyîn Hemade beşdar bûn.
Û amadebûyan di civînê de rewşa deverên rizgarkirî gotûbêj kir, û giringtirîn pirsgirêk û pêdvî û pêwîstiya hevkariya bizavan di navbera pêkhate û cihêrengên civaka Sûrî de berçav kirin, û saziyên niştimanî yên ku sûda wan dighê tevaya endamên civakê ava bikin.
Û amadebûyan bal kişandin ser giringiya bihêzkirina Artêşa Niştimanî di hundirê Wezareta Berevaniyê de, ji bo mukumkirina ewlehî û aramiyê û rêgirtina li zêdegaviyan. Û gengeşe li ser rêyên kar ji bo xurtkirina nûnertiya tevaya hêzên şoreşgerî û sivîl di Hevbendiya Niştimanî de, di riya laşekî rêxistinkirî re, da ku beşdariyeke kartêker a her kesê xwedî karîn hebe, ji bo armanc û daxwazên gelê Sûriyê yên ku ji bo wan serî hildaye pêk werin, hat kirin. Û tekez kir ku wê ev qonax li gor prensîba hevbeşiya rasteqîn be.
Û Serokê Hevbendiya Niştimanî Hadî Elbehra, plana karê Hevbendiya Niştimanî di qonaxa bê de, ya ku têde giringiyê dide du babetan berçav kir, ya yekem kar li ser piştgiriya baskê danûstandinê yê hêzên şoreş û rikberiya sûriyê ye, yê ku Desteya Danûstandinê ya Sûrî nûnertiya wî dike, di riya xurtkirina şiyanên deverên rizgarkirî û pêşdebirina wan, û xurtkirina peywendiyan li gel dewletên dost û birayên gelê Sûriyê, ji bo bilindkirina asta guhdana dosya Sûrî di nav pêşindeyên navdewletî de.
Û got ku babeta duyem giringîdana dabînkirina alîkariya pêwîst ji Hikûmeta Sûrî ya Demkî re ye, da ku bikaribe ketwarê deverên rizgarkirî di warê aborî, perwerdeyê de çak bike, û berfirehkirina çarçoveya beşdariyê li gel sazî û çalakvanên sivîl û şoreşgerî û yekkirina karînên wan ji bo çakkirina ketwarê jiyanê li ser asta perwerde, tenduristî, ewlehî û xizmetguzariyan, û pêşkêşkirina nimûneyeke zindî ji Sûriya paşerojê ya ku her kes pê dirame re.
Û Serokê Desteya Danûstandinê a Sûrî Bedir Cemûs, li ser giringiya karê hevbeş ji bo xizmeta gelê Sûriyê yê ku ji bo avakirina Sûriya paşerojê bo gelê Sûriyê yê hertiştê giranbuha kirin qurbanî, û tekez kir ku Desteya Danûstandinê destkefteke siyasî ye ji şoreşa Sûriyê re.
Ji aliyê xwe ve Serokê Hikûmeta Sûrî ya Demkî Ebdulrihman Mustefa, li ser rola ku Hikûmet û saziyên wê ji bo dabînkirina xizmetguzariyan de pê radibe, ji bo dabînkirina xizmetguzariyan li gor karînên ku hene, bi taybetî di çarçoveya ewlehiya xwarinê de, û di pêkanîna ewlehî û aramiyê de, tevî kêmbûna şiyanên ku li ber destê Hikûmetê hene, û li ser giringiya Artêşa Niştimanî axivî, û di wê derbarê de wezîrê Berevaniyê di Hikûmeta Sûrî ya Demkî de Hesen Hemade, behsa karê Wezareta Berevaniyê û hewlên wê ji bo temamkirina Kolîja Leşkerî, ya texmîn kiriye ku ew dê piştî du heyvan be kir, û şiroveyek li ser pirogramên rahênana leşkerî û avakirina yekîneyên hêzên taybet û berdewamkirina xebatên li ser rewşa rêxistinî pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
