Serokê Hevbendiya Niştimanî ya Sûrî D. Nesir Elherîrî, civînek di yek ji baregehên Eniua Niştimanî bo Rizgariyê li devera gundewarê Helba bakur, li gel şandek ji endamên Komeleya Sûriya Pêşeroj lidar xist.
Û di civînê de Emîndarê Giştî Ebdulbasit Ebdulletîf û Endamê Desteya Siyasî Behcet Etasî û Endamên Seteya Giştî Ebdiîlah Fehed, Zekeriya Melahifcî û Ednan Rehmon, amade bûn.
Û ji aliyê Komeleyê ve Emîndarê Giştî Yê Komeleyê Amir Muna û Endamên Ofîsên Siyasî, Yasayî, Rêxistinî Rojnemevanî, Ciwan, Çand û Jinê amade bûn.
Û amadebûyan li ser tevaya rêyên hevkarî di çarçoveya pêkanîna armancên şoreşa Sûrî û rizgarbûna ji rijêma Esed ya tewanbar gengeşe kirin.
Û li ser pêwîstiya piştgiriya partiyên siyasî yên li deverên rizgarkirî têne avakirin bi hemî şûweyan û piştgiriya çi pirosesên bihêzkirina siyasî bo rolê jinê û ciwanan lihev kirin.
Û Serokê Hevbendiya Niştimanî li ser xurtkirina têkliyê li gel partî û girupên siyasî yên li deverên rizgarkirî dixebitin axivî, û kartêkerkirina rola wan, nemaze di van rewşên dijwar de, û şiroveyek derbarê pêşhatên pirosesa siyasî û berdewamiya rijêma Esed di bipaşxistina gihîştina çareya siyasî li gor daxwiyaniya Cinêvê û biryara navdewletî 2254 pêşkêş kir.
Û Emîndarê Giştî yê Komeleyê li ser pirensîpên giştê yên Komeleyê û armanc û şêweyên karê wê û destpêka avakirina wê axivî, û got ku Komeleya Sûriya ya Pêşeroj zayîna wê di 21 nîsana bûrî li bajarê Efrînê bakurê Sûriyê bi amadebûna 240 endamî hate ragihandin, jê 15 endam ji bo emîndariya giştî li deverên rizgarkirî hatin hilbijartin û pergala xwe bi 40 andamî dîtir temam bû, ew jî di dû re hatin hilbijartin daku nûnertiya Komeleyê li Tirkiyê bikin.
Û armanca Komeleyê avakirina dewleteke azad û sivîl bêyî ku cudahî di navbera kesî de hebe, û kar li ser avakirina artêşeke niştimanî bo hemû hêzên şoreşgerî bixebite, û azadiya siyasî û vaguhastina aştiyane di warê desthilatê de pêk bîne, û kar li ser pêkanîna dadweriya veguhêz bike, û hevkarî li gel tevaya hêzên civakê ji bo xizmeta Sûriyê bike yên ku ne dijberî armancên şoreşê bin.
Jêder: Ofîsa Ragihandinê ya Hevbendiya Niştimanî ya Sûrî
