Şandeke Hevbendiya Niştimanî ya Hêzên Şoreşê û Rikberiya Sûriyê evro berî nîvro li gundewarê Helebê serdana dergehê sînorî yê Elra’î kir, wek gerekê ji bo şopandina fermanberî û dezgehên herêmên rizgarkirî û nirxandina xizmetgozerî û karînên geşpêdanê, di dema destpêkirina damezirandina desthilata demkî ya nû de.
Şande ji desteya serokatiyê ya nû bi serokatiya Enes Elebde serokê Hevbendiyê yê nû û cîgirên serok Dîma Mûsa û Uqab Yihya û emîndarê giştî Ebdilbasit Ebdilletîf û mamoste Ebdilrehman Mistefa yê bi damezirandina desthilata demkî ya nû hatiye teklîfkirin.
Birêveberê rêbuhêrka Elra’î Nîdal Osman got ku asta kar û xizmetgozeriyan ji destpêka çêbûna wê her li pêş e, û got ku birêveberiya rêbuhêrkê dixwaze meydan û avahiyên nû ji wan jî avahiya birêveberiyê û avahiya koçberan ava bikin.
Osman got: ‘’ Berî vekirina rêbuhêrkê, tenê tirimbêlên hawarhatinê û yên alîkariyên locistî ji bo rêkxistinan û encûmenên xwecihî derbas dibûn, lê nuha û ji vê rojê de yên bazirganî jî dikarin derbas bibin.‘’
Osman got: ‘’ Piştî rê dane tirimbêlên bazirganî ko derbasî xaka Sûriyê bibin wekû cara yekem, nuha barhilgirên Tirkî dikarin barê xwe li herêmên mertala ferat û şaxa zeytûnê bi ewlehî vala bikin‘’
Osman got ku rêbuhêrk destpêkê dora 40 tirimbêlên bazirganî derbas dikirin, lê nuha rojane 150 tirimbêl derbas dibin, Osman got ku piştî vekirina rêbuhêrka nû li aliyê Tirkî û rêkxistina rêbuhêrkê; barhilgirên taybet bi alîkariyan bêtir derbas dibin, û tirimbêlên bazirganî bêtir bûne.
Osman derbarê karîna rêbuhêrkê anî ziman ko wan meydanek bo valakirina baran bi rûberê 16 doniman amade kiriye, ku berê nikarîbû gelek barhilgiran pêşwazî bike, tirimbêlan barê xwe datanîn lê derfetên kar tune bûn, lê piştî meydan hat amadekirin çalakiya bazirganî bêtir bû û derfetên kar ji xelkên herêmê re çêbûn.
Rêbuhêrka Elra’î ya bi ser herêma Elbab ve li parêzgeha Helebê, bi fermî 16.12.2017ê hate vekirin, piştî karên guhastin û firehkirinê rêbuhêrk li ber tirimbêlên bazirganî vebû û ew nuha ji aliyê Helebê ve rêbuhêrka sêyem e.
Jêder: Ofêsa Ragehandinê ya Hevbendiya Niştimanî
