Serokê Hevbendiya Niştimanî ya Hêzên Şoreşê û Rikberiya Sûriyê Ebdilrehman Mistefa dê digel şandeke Hevbendiyê roja duşemba dahatî di gereke Ewropî de berê xwe bide Berlîn paytexta Elmanya, bo rewşa gurkirina leşkerî ya ko rêjîm li dijî sivîlên Idlib pêk tîne, û pêşvebirina pirosêsa siyasî gotûbêj bikin.
Şanda serokê Hevbendiyê dê digel çend perlemanter û berpirsiyarên wezareta derve ya Elmanî roja duşemb û sêşembê hevdîtinan bike.
Mistefa bal kişand ser ko Hevbendiya Niştimanî hêj bi hevalbendên xwe re bo rawestandina tawankariyên rêjîma Esed derheqê sivîlan de li çareseriyan digere.
Û tekezî li ser giringiya livandina dosya vekolîn û sizadanê û nehêlana rizgarbûna berpirsiyarên rêjîmê ji sizayan kir, û spasiya dewletên Ewropî yên ko bîrdozên girtinê derheqê kesên tawankariyên cengê pêk anîne derxistine kir.
Serokê Hevbendiya Niştimanî diyar kir ko ew dê dosya bakur rojhelatê Sûriyê gotûbêj bike, û bal kişand ser giringiya nehiştina rêkxistinên tirorist, û Hevbendî kar bike bo pêkanîna birêveberiyeke sivîl ji hêla xelkê ve ko aramiyê li herêmê vegerîne.
Û diyar kir ko planeke kar li bal Hevbendiya Niştimanî heye, ji bo karê xwe veguhêze hindir xaka Sûriyê di heyva nîsana dahatî de, û her weha avakirina desthilatdariya Sûrî ya demkî bi şêweyek nû û piştgirî jê re dabîn bibe, da karibe bêtir di warê desthilatdarî û birêveberiya sivîl û xizmetgozerî û fêrkirin û tendiristiyê de kar bike.
Jêder: Ofêsa Ragehandinê ya Hevbendiya Niştimanî